තේරවිලි කවි

 මෙ පද තෝරාලා බලන් සකි.. නොහැකි උනොත් පහලින් උත්තර ඇත.

1)

මෙගොඩ ගොඩේ හඬලන්නේ

එගොඩ ගොඩේ බෙටි ලන්නේ

කොකා නිසයි පණ එන්නේ

කැලෑවකයි ගොරවන්නේ

 

2)

ගුලක් බලා රිංගනවා

ඒක ඇතුළෙ කැරකෙනවා

ගේදොර බඩු රැකදෙනවා

තේරුවොතින් පඩි දෙනවා

 

3)

නයා වගේ දාර අතේ

කොකා වගේ පාට ඇතේ

මහ මුහුදේ ගමන් යතේ

යන යන තැන හූ කියතේ

 

4)

නැකත් බලන්නට යන්නෙකි

මගුල් ඉලව් පින්කම් දන්නෙකි

වැඩිහිටි දෙගුරුන් පිලිගන්නෙකි

නාග ලොවින් ආ වැදගතෙකි

 

5)

දෑසක් ඇත පෙනුමකුත් නැත

දෙපා ඇති මුත් ගමනක් නම් නැත

බඩෙන් කෑවත් බඩ පිරුමක් නැත

තෝරා දුන්නොත් හෙප්පුවේ මෙය ඇත

 

6)

වරදක් නැතිව ගහකට බඳිනවා දුටින්

ලෙඩක් නැතිව බෙහෙතක් කවනවා දුටින්

දුකක් නැතිව තිස්සෙම අඬනවා දුටින්

හැලියක් අරං වතුරත් මනිනවා දුටින්

 

 

1) තුවක්කුව

2) යතුර

3) හක් ගෙඩිය

4) බුලත්

5) ගිරය

6) රා මදින පොල් ගස

******

ගත්ත ණය තුරුස් ඇත ලොව හතර අතින්

කැබිනට්ටුවේ ඇත ඇමතියො බුරුත පිටින්

උන් රජ කෙරුවේ අපේ කර මතින් ගිහින්

වෙච්ච දේ කියන් අපෙ මේ රටට ඉතින්