මේ සාහිත්‍යය මාසය නිසාත් විවිධ පොත් ප්‍රදර්ශන, සම්මන්ත්‍රණ ආදිය පැවැත්වෙන නිසාත් ඒ සම්බන්ධව අල්ලලා ලියා තිබූ ලිපියක් post එක විදිහට දාන්න හිතුව.

මේ පුද්ගල සංවර්ධන දේශක කැලුම් වැලිගම මහතා විසින් පුවත්පතක පල කළ ලිපියකි

 * * * * *

අපේ ජීවිතය පුදුමාකාර විස්මයක්. ඊළඟ මොහොතේ කුමක් වෙයිද කියල අපි කාටවත් හිතා ගන්න බැහැ. එහෙත් ජීවිතයේ සෑම ඊළඟ මොහොතක්ම විස්මිත මොහොතක් බව මතක තියා ගන්න. එසේම එය විශ්වාස කරන්න. ඔබ එහෙම විශ්වාස කළොත් පමණයි සෑම අසීරු තත්ත්වයක් තුළම වාසනාවන්ත අවස්ථාවක් සැඟවිලා තියෙන්නෙ. මේක බ්‍රසීලයේ සිදුවුණ අපූරු දෙයක්. බ්‍රසීලයේ බන්ධනාගාරයක සිද්ධ වුණ ඇත්ත කතාවක්. බන්ධනාගාරවල සිරකරුවන් වැඩියෙන් සිටීම අදටත් අපේ රටෙත් තියෙන ගැටළුවක්. මේ ගැටළුව විසදන්න බ්‍රසීල රජය ගත්ත ක්‍රියාමාර්ග නිසා සිරකරුවන්ගේ ජීවිත සැබවින්ම වෙනස් වුණා. අපි මුලින්ම ඒම කතාව වෙතට අවධානය යොමු කරමු.

සැබවින්ම සිරකරුවන් එක් කුටියක වැඩි වීම නිසා ඔවුන් වැඩිපුර දේවල් කතා කරන්න පටන් ගත්තා. මෙම කතා බොහොමයක් නතර වෙන්නෙ අන්තිමේට ලොකු ගැටුමකින්. බොහෝ වෙලාවට එක්කෙනෙක් දෙන්නෙක් අනිත් කෙනාගේ අතක් පයක් කැඩෙන්න ගහනවා. දිගින් දිගටම වර්ධනය වෙන මෙම ගැටළුව නිසා බන්ධනාගාර පරිපාලනය සිරකරුවන් පැත්තකට කරලා නිශ්ශබ්දව තියන්න පුළුවන් ක්‍රමයක් ගැන හිතන්න පටන් ගත්තා. ඊට විසඳුම ලෙස සිරකරුවන් පොත් කියවන්න යොමු කිරීම, මේ ප්‍රශ්න විසඳන්න තියෙන හොඳම විසඳුම බව ඔවුන් වටහා ගත්තා. එහෙත් බොහෝ දෙනෙක් පොත් කියවන්න අකමැතියි. අදටත් රූපවාහිනිය නැරඹීමට වඩා පොත් කියවීම තුළ කෙනෙකුගේ සිත සහ කය කියන දෙකටම වාසිසහගත දේවල් සිද්ධ වුණත්, රූප පෙට්ටිය අමතක කරලා ඔලුවට මෝල බද්ධ කරන පොත්වල සුවඳ හමන පිටු අතරේ සැරිසරන්න බොහෝ දෙනෙක් අකමැතියි. නමුත් රූපවාහිනියේ සහ අන්තර්ජාලයේ ම එල්ලිලා ඉන්නවාට වඩා පොත් කියවීම ඉතා හොඳ පුරුද්දක් බව පොත් නොකියවන අය පවා පිළිගන්නවා. කෙසේ වෙතත් දරුණු සිරකරුවන් තුළ පොත් කියවීමේ පුරුද්ද ඇති කරලා ඔවුන් සන්සුන් කිරීම හිතන තරම් ලෙහෙසි දෙයක් නෙවෙයි.

ජීවිතය ක්‍රියාත්මක වෙන්නෙ අපේ පුරුදු මතයි. එම නිසා පොත් කියවීම සිරකරුවන් අතර පුරුද්දක් බවට පත් කරන්න නම් ඔවුන්ට ප්‍රතිලාභයක් ලබා දිය යුතුයි යන  තීරණයේ පරිපාලනය හිටියා. කිසියම් සිරකරුවෙක් පොතක් කියවා අවසාන කළොත් ඔහුගේ සිර දඬුවමින් දින හතරක් නිදහසක් ලැබෙනවා. මෙම වැඩසටහන ඔවුන් නම් කළේ “කියවීම තුලින් නිදහස් වීම” (Redemption through reading) වශයෙන්. එහෙත් සිරකරුවන්ට වසරකට කියවන්න ඉඩ දුන්නේ පොත් දොළහක් පමණයි. එසේම එක් පොතක් කියවා අවසානයේ එම පොත පිළිබඳව කෙටි අදහසක් සිරකරුවා ලියා භාරදිය යුතුයි. වසරකට පොත් දොළහක උපරිමයක් නිසා හිතු මනාපයට පොත් ගොඩක් කියවලා දින නිදහස් කරගන්න සිරකරුවාට බැහැ. කෙසේ වෙතත් පොත් දොළහක් වරසක් තුළ කියවූ සිරකරුවෙක්ට සති 6ක් තමාගේ සිර දඬුවමින් නිදහස් වෙනවා. කටුක සිපිරිගෙදර දිවියෙන් විනාඩියකට කලින් හෝ ඉවත් වෙනවා කියන එකම ලොකු සහනයක් නිසා සිරකරුවාට මෙහි කිසියම් වාසියක් තියෙනවා. සිරකරුවන්ට අවශ්‍ය පොත් නිර්දේශ කළේ කියවීම ගැන අවබෝධයක් තියෙන කමිටුවකින්. සාහිත්‍ය, දර්ශනය සහ විද්‍යාව වැනි විෂයන්ට අදාළ හොඳ පොත් ගොඩක් තිබුණා. මොනවා හරි පොත් ගොඩකින් බන්ධනාගාර පුස්තකාලය පිරවීම ඔවුන්ගේ අරමුණ වුනේ නැහැ. සැබවින්ම බ්‍රසීලයේ දරුණුම සිරගෙදරක් තුළ ඉතා නිහඬව සිද්ධ වුන මෙම කටයුත්ත නිසා කාලයක් යද්දී එම සිරගෙදර ගැටුම් අඩු වුණා. මන්දයත් බොහෝ සිරකරුවන් නිදහසේ පොත් කියවන්න පටන් ගත්තා. සමහරු තවත් සිරකරුවන් සමග පොත් ගැන කතා කරන්න පටන් ගත්තා. ඉතා හොඳ පරිසරයක් බිහි උනා.

අරවින් ජේම්ස් (Erwin James) කියන්නෙත් මේ සිරගෙදර හිටිය සිරකරුවෙක්. ඔහු මිනීමැරුම් චෝදනාවකට වරදකරුවෙක්. වසර 20කත හිරේ ගිය දරුණු මිනිසෙක්. කෙසේ වෙතත් හිරගෙදර ඉන්න කාලේ පොත් කියවීමේ ක්‍රියාවලිය ඔස්සේ ඔහුගේ සිරදඬුවමින් සැලකිය යුතු කාලයකට කලින් සිරගෙදරින් පිටවෙන්න ඔහුට හැකියාව ලැබුණා. එහෙත් අරවින් ජේම්ස්ගේ ජීවිතය සිරගෙදරින් එළියට ආවට පස්සේ නැවතුණේ හිතාගන්නත් බැරි තැනකින්. වසර 20කත පසුව ඔහුට ‘ද ගාර්ඩියන්’ පුවත්පතට ලියන්න අවස්ථාවක් ලැබෙනවා. ඔහු සිරගෙදර සිට කියවපු පොත් ඔස්සේ ඔහුට ලියන්න කියන්න නිර්මාණාත්මක අදහස් ගලාගෙන ආවා. ද ගාර්ඩියන් පුවත්පතට ඔහු ලියපු දේවල් ජනප්‍රිය වුණා. අවසානයේ ඔහු නිව්යෝර්ක් ටයිම්ස් ලැයිස්තුවට ඇතුළත් වුණ වැඩිම අලෙවියක් සහිත කෘති දෙකක් රචනා කළ ලේඛකයෙක් ද වුණා. අරවින්ගේ ජීවිතය මේ තරම් වෙනස් වුණේ සිපිරිගෙදරදී ඔහු කියවූ පොත් නිසා බව ඔහු අද කියනවා. ගෙදරට දවසකට කලින් හෝ යන්න අවශ්‍ය නිසා පොත් කියවන්න පටන් ගත්ත ඔහු පසුව පොත් ඉතා ආශාවෙන් කියවන්න වුණා. “මම සිරගෙදර ඉඳිද්දී කියවපු පොත් මාව කලින් සිරෙන් නිදහස් කළා පමණක් නෙවෙයි, මගේ සිරවුණ සිතත් නිදහස් කළා” ඔහු පවසනවා. පොත් නොකියවපු අර්වින් පොත් කියවන්න පටන් ගත්ත නිසා ඔහුට ජීවිතය දෙස වඩා විවෘතව සහ උපේක්ෂාවෙන් බලන්න හැකියාව ලැබුණා. අපි ඒ ඉදිරිපත් කළේ ඒම සිරගෙදර හිටිය එක් සිරකරුවෙක්ගේ කතාවක් පමණයි. පොත් කියවීම ඔස්සේ තවත් බොහෝ සිරකරුවන් ජීවිතය වෙනස් කර ගත්ත අතුරු කතා ගොඩක් ඇති.

“කියවීම මිනිසා සම්පූර්ණ කරයි” කියලා ඔබ දන්නවා. එහෙත් කියවීමේ පුරුද්ද පවතින්නේ ඉතාම සුළු ප්‍රමාණයකට පමණයි. එහෙත් තාක්ෂණය කෙතරම් දියුණු වුණත් තවමත් යුරෝපීය ජාතිකයින් පොත විසිකරලා ජංගම දුරකථනය අතට අරගෙන නැහැ. විශේෂයෙන් පොත් කියවීමේ පුරුද්ද ක්‍රමානුකූලව දරුවන් තුළ රෝපණය කළ යුතු පුරුද්දක් නිසා මේ සම්බන්ධව මව්පියන්ට කළ හැකි දේ බොහොමයි. ඔහේ දරුවාට මොකක් හරි පොතක් කියවන්න දෙනවා වෙනුවට දරුවා කියවීමේ රසයට හුරු කරන කෘති සොයා දීම මව්පියන්ගේ වගකීමක්. මා පහුගිය කාලයේදී ලංකාවේ විවිධ ප්‍රදේශ රැසකට ගියා. එය කෙටියෙන්ම යාපනයේ සිට වැලිගම දක්වා. ලංකාවේ බොහෝ නගරවල පොත් අලෙවිසැල් (bookshop) දකින්න පුළුවන් වුණා. එහෙත් මේ බොහෝ සාප්පුවල දකින්න තිබුණේ අභ්‍යාස පොත් සහ පත්තර මිසක නවකතා හෝ කෙටිකතා හෝ පර්යේෂණ කෘතීන් නොවෙයි. දරුවන් අභ්‍යාස පොත් කියවීම වෙතම කුඩා කල සිටම හුරු කරන නිසා පාසල් අධ්‍යාපනයෙන් පසුව පොත් කියවන්න බොහෝ දෙනා හිතන්නේ නැහැ. බ්‍රසීලයේ දරුණු සිරගෙදරක ක්‍රියාත්මක වුණ ඉහත සඳහන් කළ පොත් කියවීමේ වැඩසටහන වැනි දේවල් ලංකාව තුළ ක්‍රියාත්මක කරන්න උත්සහ දරනවා නම් එය ඉතා වටිනවා. විශේෂයෙන්ම අනෙක් අයටද පරිහරණය කළ හැකි කුඩා පුස්තකාල පවත්වාගෙන යන පිරිස් මට හමුවෙලා තියෙනවා. ඔබත් දන්න හඳුනන කෙනෙක් එහෙම හොඳ දෙයක් කරනවා නම්, අප වෙනුවෙන් ඔහුව හෝ ඇයව තවත් ධෛර්යවත් කරන්න.

ඔබට ඇස් අරගෙන සිහින දකින්නෙක් වෙන්න අවශ්‍යනම්, ඔබ පැහැදිලිවම පොත් කියවීමේ පුරුද්ද ජීවිතය තුළ ආරෝපණය කරගත යුතුයි.

ලෝකයේ තවමත් අවම පිරිවැයකින් වැඩිම දැනුමක් ලබාගත හැකි මාධ්‍ය වන්නේ ද පොත් කියවීමයි. ඒම නිසා එය සාහිත්‍ය මාසයට පමණක් සීමා නොකර සෑම මාසයකටම අනුගත කරගන්න.

“2015 වර්ෂයේදී මගේ අභියෝගය වන්නේ සෑම සති දෙකකට වරක්ම අලුත් පොතක් කියවීමයි. විවිධ සංස්කෘතීන්, විවිධ විශ්වාස, විවිධ මිනිස් හැසිරීම් සහ තාක්ෂණයට අදාළ පොත් කියවන්න මම බලාපොරොත්තු වෙනවා. වසර ආරම්භයේ දී විවිධ ෆේස්බුක් එකමුතු (Group & communities) රැසක් මට අභියෝග රැසක් එවලා තිබුණා. ඔවුන් සියලු දෙනාටම ගොඩක් ස්තූතියි. එහෙත් මම 2015 දී පොත් කියවීමේ අභියෝගය භාර ගත්තා. මම හිතනවා පොත් කියවීම ඔස්සේ ඕනෑම කෙනෙක් තුළ ඇතුළත බුද්ධියක් නිර්මාණය වෙනවා. අද ගොඩක් මාධ්‍යයෙන් මතුපිටින් ඔබට පෙන්වන දේවලට වඩා බොහෝ දේ ඔබට ලබා දෙන්න හොඳ පොත් සමත් වෙනවා. ඒක නිසා මම මේ වසර පොත් කියවන්න වෙන් කරනවා. මම කියවන පොත් පිළිබඳ තොරතුරු year of Books නම් පිටුවට යොමු කරනවා. ඔබට එයින් අදහසක් ගන්න පුළුවන්. ඔබ ඇත්තටම පොත් කියවන්න කැමති නම් විතරක් ඒම පිටුවට කැමැත්ත ප්‍රකාශ කරන්න”. ඒ 2015 ජනවාරි මස 02 දින මාර්ක් සකබර්ග් ඔහුගේ ෆේස්බුක් පිටුවේ යොදා තිබුණ සටහනයි. ඔහු 2015 වසර ආරම්භ කරේ සෑම සති දෙකකට වරක්ම පොතක් කියවීමේ අභියෝගය සමගින්. ෆොර්බ්ස් 2014 වර්ගීකරණයට අනුව මාර්ක් සකබර්ග් ලොව බලවත්ම මිනිසුන්ගේ ලැයිස්තුවේ 22 වැනි තැන ඉන්නවා. එසේම ලොව ලාබාලතම බලවතුන් අතර ඔහු පළමු වැනියා. එපමණක් නොව ලොව ධනවතුන්ගේ ලැයිස්තුවේ ඔහු පසුවන්නේ 16 වැනි ස්ථානයේ. වයස අවුරුදු 30 වෙන්නත් කලින් ලොව බලවත් මෙන්ම ධනවත් පුද්ගලයෙක් වුණ මාර්ක් සකබර්ග්ට තවත් පොත් කියවලා රැස්කරගන්න තියෙන දැනුම මොකක් ද? සෑම සති දෙකකට වරක්ම මොකක් හරි පාටියකට සෙට් වෙන්නේ නැතිව ඔහු පොත් කියවන්න හේතුව මොකක් ද? සැබෑ අධ්‍යාපනය යනු එයයි. එහෙනම් අපි ඇස් ඇරගෙන සිහින දකිමු.

Read More

අදත් වැස්ස... මේ දවස් ටිකේ ඉතීම් වැස්ස තමයි. ඊයේ හවස යාලුවෙක්ගෙ studio එකකට පොඩ්ඩක් ගෙහුං එන්ට ගියා. ගිහින් ඉන්නකොට ඌ අහපි... ඉස්සරහට ඉතින් මොකෝ වෙන්නෙ කියල.

මං රනිල් රාජපස්සද, නැත්තං ජ්‍යෝතිෂ්‍යකාරයෙක්ද... රටේ ඉස්සරාට වෙන විගඩන්, නාඩගං ටික කලින් දැනගන්න. හුම්. වැහි කළුවක් ආව. කාලගුණය මේ තියෙනවා... මේ වෙනස් වෙනව. හරියට මොකක් වෙයිද කියල හිතා ගන්න බෑ.

මං... ඌයි තා එකෙක් එක්කයි දන්හිල් එකකුත් ගහල කාරිය එන්ට ආව. අද රෑ කඩේ යද්දිත් පොඩි වැහි mood එකක් තිව්න. දවස් පඩි කාරයො... බාර් එක ගාව. බියර් ගන්නවා, වඩේ කනවා... මත් වෙච්ච අස්සෙ ඉතුරු සල්ලි හරිදත් බලනවා. පව් ඉතීම් අසරණ ජීවිත. මං නම් බොන්නෙ නෑ........ බියර්. ගෑස්ටික් එක නිසා බියර් ටිකක් අමාරුයි. අනිත් ඒවා... හි..හ්හි. සිගරට් උනත් ඇඟට හොඳ නෑ නෙ. ඒ නිසා මං මේ ටිකේ දන්හිල්. තව පොඩ්ඩෙන් රු100ක ආසන්නයට වැටයූ දන්හිල් එක තෙමෙනවා. ඒත් ලොකු අවුලක් නෑ... මොකද තාම රු 8ට ගත්ත ගිණිපෙට්ටියක් නෙ තියෙන්නෙ. 40හේ ගිණිපෙට්ටියත් අවුලක් නෑ ඉතීම්... මොකද IMF ණය හම්බවෙන සීන් එකක් තියෙන්නෙ.

පොද වැස්සෙ යනකොට, අඳුරන වැඩිහිටියෙක් කියාපි... කුඩයක් අරං යන්න. වැඩේ කියන්නෙ උන්ද කුඩයක් ගෙනල්ලත් නෑ. මේ පොඩි දුරට මොන කුඩද.. ඕව උස්සන් යන්න බෑ.... මං කියල දැම්ම.

ඊයෙ හවස ලොකු වැඩක් නැති හන්ද blog පැත්තට ගියා. නිදිගෙ පංචතන්තරේ නිදියි, ඩ්‍රැකීගෙ අඩවියේ ඩ්‍රැකීයි post දෙකක් දාල... ෆිලුමක් ගැන. ඒවත් කියවන්න එපෑ ඉතීම්.

නිදියත්... ලියන්න ඕනෙනම් ලියපං තනියෙම. තව කවුරුවත් මොකටද. අනික ඩ්‍රැකීය ෆිලුම් ගැන ලියන එක අඩුකරලත් තිවනෙ....... මේක දිගටම යයිද. ඒම උනොත් මට තමා කෙල වෙන්නෙ. මගේ ෆිලුම් post ලෙප්ට්. කෝකටත් හොඳ මූණ දාගෙන ගෙහුං කමෙන්ට් කරා... නැත්තං වැඩේ මාට්ටු නෙව. මොක උනත් මයෙ blog බලන්න එන ඈයො ඉන්නෙත් කීයෙන් කී දෙනාද. එයිනුත් මිනිස් පරාණ ඊට අඩුයි. වැම්පයර් කියයි, බස්සො කියයි. ඇයි නයි. Pra Jay... ඒ යෝදය, තල තිස් එකෙන් මොකට අයිති වෙනවද කියල දෙයියො තමයි දන්නෙ. ලඟදි bra එකකුත්... බලන වගක් නම් දැනුණ හිට.

ඔන්න ඉතීම් මොක උනත් Thirteen Lives (2022) ෆිලුම බාගෙන බැලුව. මුන් නම් කියයි. මං එපෑ ඩේට කපන් බාගන්න. ඒ අස්සෙ මැසේජ් එනවා දිගට හරහට.... වෙන කාගෙන්ද, දුරකථන සේවා සපයන්නන්ගෙන්. පහසුකම් හා සේවා ගාස්තු වැඩි කරාය කියල හිට... රජයේ අණ පරිදි. අනෙ අම්මප. කම් නෑ. කම් නෑ... phone එකේ contact list එකේ පතුළ නොපෙනුනාට... සම්බන්ධතා තියන් ඉන්න කීයෙන් කී දෙනාද. උන් ටිකත් හලලා... net යන ඒකත් නවත්තලා... සිම් එකයි, රවුටරෙයි ජාතියේ නාමෙන් කුණු කූඩෙට දානවා. මොකද IMF ණය හම්බවෙන සීන් එකක්නෙ තියෙන්නෙ.

කඩේ ගෙහුං එනකොට කෙල්ලෙක් පාන් ගෙඩියක් සොපින් එකේ දාන්... උජාරුවට යන ලස්සන. හුම්ඃ... මං බලයි ඔය ලොකුකම්. අර ඌරුවරිගේ වන්නිල ඇත්තන්, නොදියුණු ජාතියක් ද තාම ?

Read More

නස්රුදීන්... නම ඇහුව නැති කෙනෙක් නැති තරම්. ඒ වගේමයි ඔහුගෙ ජීවිතය හා බැඳී කතාත්. සමහර ඒවා බොහොම විචිත්‍රවත්, තවත් ඒවා බොහොම දාර්ශනිකයි සහ සමහර කතා බොහොම විනෝද ජනකයි. නමුත් ඒ සෑම කතාවක් ම එක වාගේ මිහිරි.

ඉතිහාසය විමසා බලද්දී රටවල් කීපයකින්ම නස්රුදීන්ව හමුවෙනව වගේම, ඔහුව තම රටට අයිති කරගන්නත්... රට රටවල් උත්සහ දරල තියෙනව. කොහොම උනත් ඔහු හිටියා ය කියලා පොදු පිළිගැනීම තියෙන්නෙ තුර්කි රටේ. ජීවත් වූ කාලය ලෙස දැක්වෙන්නෙ 1208 – 1284 වගේ කාල පරාසයක්. පෙනෙන්නට තිබෙන හැටියට... රටින් රටට යාමේ දී ඒ රටවල පුද්ගලයන් හා ඔවුන්ගේ කතාද, නස්රුදීන් හා ඔහුගේ කතා වලට මිශ්‍ර වී ඇති හැඩයි. එයින් පසු සියලු කතා, පුද්ගල ස්වරූප නස්රුදීන් යන නාමයට වටා ගොනු වන්නට ඇති. ඊසොප්ගේ උපමා කතා ද, සෙන් දහමේ සෙන් කතාද... ඔහුගේ කතා අතරට එකතු වී ඇති බව පෙනී යාමෙන් මෙය වටහා ගන්න පුළුවන්.

කොහොමින් උනත් වඩා හොඳ මොකක්ද...  කාලයක් සිට මේ පැවත එන වටිනා කතා සමුදාය අපේ ජීවිත කතාවට එකතු කර ගන්නවා ද, නැතිනම් ඉතිහාසය කාල් ගගා ඇත්ත හොයමින් වෙහෙසෙනවා ද?

* * * * * * * *

 

 

බූරුවා පිටේ යෑම

බූරුවා සමග නගරයට යන නස්රුදීන්ගෙන් අශ්වයෙක් පිටේ නැග යන ධනවතෙකු අපහාසයට මෙන් ඇහුව ‘බූරුවෙක් පිටේ යන එක මොන වගේ ද?’ කියල.

‘අශ්වයෙක් පිටේ බූරුවෙක් යනවට වඩා නම් හොඳයි’ නස්රුදීන් ඔහුට උත්තර දුන්න.

 

දවස කවද්ද

නස්රුදීන් වෙළඳාමට වෙනත් ගමකට ගිහින් ඉන්න අතරවාරයේ එහි අයෙක් ඇවිත් ‘අද දවස කවද්ද?’ කියා ඇහුව. වෙළඳාම ගැන පමණක් අවධානයෙන් හිටි නස්රුදීන් ඔහුට මෙහෙම කිව්ව.

‘මං මෙහෙට ආගන්තුකයෙක්, මේ ගමේ කෙනෙක්ගෙන් අහල බලන්න’.

 

රහස

නස්රුදීන්ගේ මිත්‍රයෙක් දවසක් ඔහුගෙන් ඇහුව ‘දිගුකලක් කරදර වලින් තොරව ජීවත් වීමේ රහස මොකක්ද?’ කියල. මිත්‍රයා දෙසට හැරුණු නස්රුදීන් ඔහුට මෙහෙම කිව්ව.

‘පාද උණුසුම්ව තියාගෙන, හිස සිසිල්ව තබා ගන්න. ගැඹුරින් හිතන්න එපා. ඒවගේම සැහැල්ලුවෙන් ජීවත් වෙන්න’.

 

ආදරෙන් බැඳීම

ලස්සන කාන්තාවන් බොහෝ පිරිසක් සමග ආදරයෙන් බැඳුන පුද්ගලයෙක්, තමන්ට ඒ කිසිම කාන්තාවක් කැමති නොවන්නේ ඇයි දැයි නස්රුදීන් ගෙන් විමසුවා.

‘ඔබ අවලස්සන කාන්තාවක් සමග ආදරයෙන් බැඳුනොත් මොකද’ නස්රුදීන් අසා සිටිය.

 

හොඳ කොයි ගමද

දවසක් එක නගරයක සිට අනෙක් නගරයට යමින් සිටි නස්රුදීන් වෙත, එහා නගරයෙන් ආ පුද්ගලයෙක් මුණ ගැහුණ. ‘ඔයා දැන් ඉඳල එන නගරය, කොහොමද?’ ඔහු නස්රුදීන්ගෙන් ඇහුව. නස්රුදීන් එම ප්‍රශ්නය පෙරළා ඔහුගෙන්ම අසා සිටිය. ‘අපෝ ඒ නගරයද, කතා කරලා වැඩක් නැහැ. මිනිස්සු තිරිසන්නු වගේ. හැම තිස්සෙම රණ්ඩු. කිසිම හොඳක් නැහැ’.

‘ආ එහෙමද... මෙහෙත් එහෙම තමයි’ නස්රුදීන් පසුකර ආ නගරය ගැන විස්තර කරා. නැවතත් මදක් දුර යද්දී නස්රුදීන් හට තවත් පුද්ගලයෙක් මුණ ගැහුණ. ඔහුත් අර ප්‍රශ්නයම යොමු කරා. එවිට නස්රුදීන් පෙර සේ ප්‍රශ්නය පෙරළා ඔහුටම යොමු කළා. ‘එහෙ... කියන්න තරම් වරදක් නැහැ. මිනිස්සුත් හොඳයි. සතුටෙන් ඉන්නව’ ඒ ඔහුගේ උත්තරයයි. එය අසා සිටි නස්රුදීන් ඔහුට තම පිළිතුර කියා හිටිය.

‘ආ එහෙමද... මෙහෙත් එහෙම තමයි’.

 

තියෙන සේරෝම පොස්ටුවේ දාන්ට බැරි හන්ද pdf එකකට දැම්ම ගන්ට -

PDF එක (කතා 75ක් තියේ)

Read More

    ගෙස් කෙරිලි කීවේ, ග්‍රේස් කෙලීට හෙම නෙවෙ හොදේ 

දෙයක් දැක්ක, ඇහැව්ව පමණින් විස්සාස කරන්න එපාය කියලා තියෙනව... නෙ. ඒ කියන්නෙ දැකපු - අහපු මොහොතින් හෝ පමණින් පූර්ණ නිගමනයකට, තීරණයකට එළඹෙන්න එපා කියන එක නෙ. දැක පමණින් පැහැදීම/ අපහැදීම අපේ පරිණාමය නොවුණු ලක්ෂණයක් වාගේ නෙ... පරිණාමය ඇත්තක් නම්. ඒ හන්ද, පට් ගාල ගෙස් කොරන ඒවා වරදින්න පුලුහං නෙ. ඔය වගේ වරදින එක දෙයකින්... ලයිප් එකම කපෝති වෙන්නත් පුලුහං නෙ.

ඔය වැඩි බර කතා නැතුව... මේ පොටෝ ටික බලමු අනේ. සමහර එව්වා එකපාරම... තේරුම් යන්නෙ නෑ නෙ, කිව්ව වගේ. බලලම ඩිසයිට් කොරන්ටකෝ...

පොටෝ 1 - එළවන්නෙ කවුදෑ

පොටෝ 2 - ගසේ කවුදෑ

පොටෝ 3 - කොළ ගොඩේ කවුදෑ

පොටෝ 4 - ගස් අස්සෙ කවුදෑ

පොටෝ 5 - හොයා ගන්ට සෑහෙන වෙලාවක් යන්න ඇති

පොටෝ 6 - අලුත් කොන්ඩ මොස්තරේ

පොටෝ 7 - ෆන්සන් එක අතරේ හෙළුව පෙනේ

පොටෝ 8 - නෝනා මහත්තයා

පොටෝ 9 - නෝනා මහත්තයා 2

පොටෝ 10 - ජුරාසික් ඉන් පා(ර්)ක්

පොටෝ 11 - ඉඹින්න මගේ....

පොටෝ 12 - පු#%@

Read More

ගොරවනව එහෙම නෙමේ... කොහේ හරි ගිහින් කෙනෙක්/ කට්ටියක් එක්කලා හරි නිදාගනිද්දි අහන්න හම්බවෙන කතාවක් තමයි ඉතින් මේක. ඒ අනික් අයගෙ පැත්තෙන් නෙ. අපේ පැත්තෙන් නම් නිදන් ඉන්දැද්දි ලී නෙමේ පොල් පරාල ඉරුවත් කමක් නෑ.... නින්දෙන් කියවන්නෙ/ දොඩවන්නෙ නැත්තං. විසේසෙන් බිරින්දෑ එක්ක ඉන්නකොට හෙම. එහෙම නොවුනොත් ඉතින් වෙන දේවල් බැඳපු ඔහෙලම හිතා ගන්ටල ඈ....

දැන් ඉතින් නිව් මිලේනියම් එකේ නොයිපදුනු අපේ කස්ටිය දන්නව, මේ කියන්න හදන්නෙ මැරෙන්නේ නැති කාන්තාවගෙ (අමරා) සිංදුව ගැන තමා කියල. අමරා රණතුංග. දන්න විදිහට, අගේ සැමියා... දයාරත්න රණතුංගයන් තමයි මෙහි සංගීතය. ලංකාවේ තවත් දක්ෂ සහ වැඩි අවධානයකට පත් නොවුන යුවලක් තමයි මේ රණතුංග යුවල. ගීය ලීවේ කවුදැයි නං දන්නෙ නෑ. [පද වැල් - චන්ද්‍රසේන රන්ගේ මහතා. /තොරතුර Litseeker ගෙන්]

මේක මාර සයිකොලොජි විවරනයක් දෙන සිංදුවක්. එක පැත්තකින් සිහින ගැන, අනෙක් පැත්තෙන් යටි හිත ගැන, තව පැත්තකින් ස්ත්‍රී සිතක ස්වභාවය දැක්වෙන අපූරූ (පෙරනොවූ),  ගැඹුරු/සරල නිර්මාණයක්. අහල තියෙන සිංදු අතරෙ.... මේ විදිහෙ නිර්මාණයක් හම්බවෙලා නෑ... මටනම්. පද රචනයට හරියන සංගීතය වගේම... ගැඹුරු කටහඬත් ගොඩක් හොඳට සංකලනය වෙනව.

කතාවෙ හැටියට මේකේ පුරුෂ රත්නයත් අර වාගේ වැඩේ අවුල් කරන් තියෙන්නෙ.... හීනෙන් දොඩවල හිට.

උපුලී.... උපු..ලී....

සමහරවිට ඉස්කෝලේ හිටිය ගුරුවරියක්ගෙ නමක්, පන්තියෙදි බැන්න කෙල්ලෙක් නමක් වෙන්ට පුලුහං නෙ. ඒත් ඉතින් බැඳපු නෝනත් ලඟින්ම දොයියගෙන ඉන්න යාමේ... නිදිමරගාතේ, සැමිය වෙනින් ස්තිරී පරානයක් ගැන නන්දෙඩෙව්වහම හොඳද. ඇහුණේ නෑ වාගේ අනෙක් පැත්ත හැරිල ආයේ නිදා ගන්නද... ඒ බිරින්දෑ. එතැන ඉඳලා ඉතින් නෝනගෙ කල්පනාව ඒ ගැනමනෙ... රෑ එළි වෙනකල්ම.

උපුලී.... උපු..ලී....

හුම්..... නෑ සනහුරේ ගැටගැහිච්ච කෙලවරකවත් නෑ. හිටියනං මං නොදන්නවා ඈ... මගුල් ගෙදර ආව, ආස්සරේ කරන මිතුරියො අතරෙත් එහෙම කෙනෙක් නෑ. බැරිවෙලාවත්... අට පැය වැඩකරන කන්තෝරුවේ ඉන්න එකියක්වත්ද. අනේ මං වැටුණු වලක මහත. අහපු හැම එකාටම බෑ කියල.... මේක කරගත්තනෙ. දැන් ඉතින් විඳවපන්කෝ....

හ්ඃම්.. මං උදේට අහගන්නම්කො... ඔක්කොම විස්තරේ.   හ්ම්... කියයි මේන් කියල කියයි. මං දන්නෙ නැද්ද මිනිහගෙ තරම.

 

කතාවෙ හැටියට නම් පුරුෂ පරාණය... උදේ වෙනකම්ම ඇදේ උපුලිගෙ නම කියනවා/ මතක් කරනව. බිරිඳට, කොහෙදෝ යන උපුලියක් නිසා... නින්දකුත් නෑ. ඒ අතරෙ ඉතින් අහිංසක බිරිඳට කඳුළු අතරින් හිතෙන්න ඇති වැඩේ දුරදිග ඇදුනොත්.... දරුවවත් අරං පාරට බහින්ට තමා වෙන්නෙ කියලා. ඇවිල්ල ගෙයි බින්න බහින්නත් බැරි නෑ ඒ ගෑනි. කවුද දන්නෙ ඉතින් පොත්ත රතු කරගත්ත... නන්නත්තාර එකියක් ද කියල. එකත් එකටම එහෙම වෙන්න ඇති... ඉන්නවනෙ සමහර ගෑණු වේ#% කියල තමයි නෝනගෙ කල්පනාව.... මේ මහ රෑ.

 

දැන් සැමියාට, බොරු හෝ නැතා.... සිද්ධ වෙනව උපුලි කියල කෙනෙක් ගැන උදෑහනින් භාරියාවට විස්තර කරල දෙන්න හිට... අනාගත පවුල් ජීවිතය උදෙසා.

ඉතින් කවුද ඒ උපුලී.......

YouTube - https://www.youtube.com/watch?v=UigfOcgQaOw

Read More