අද ඇත්තටම වෙන post එකක් දාන්න බාගෙට හදලා හෙම හිටියේ. ඒත් පෝය කියලා මතක් උනහම අදහස වෙනස් උනා!

ඉස්සර blog වල මෙයාකාර දහම් post පල වුන මතකයි. මාර විවිධාංගීකරනයක් තිබ්බෙ! බස්සානම් කියයන්නේ ඉතින් blog ලොව උනත් අනිත්‍යය දහමට යටයි කියල හිටං. ඔන්න ඒ පෙර බරණැස් blog පුරවර සිහිවීම පිණිස මෙහෙව් ධාර්මික පෝස්ටුවක් පබිලිස් කරන්නම්.

 

පෝස්ටුට හේතුභූත උනේ බුකියේ ඉහළ පහල යද්දී එකපෙලට හමුවුන video කීපයක්. ඔක්කොම වල සාරාංශය අහිමිවීම - දුක. බල්ලා අසනීප වෙලා අඬනවා. සැමියා මැරිල, බිරිද අඬනවා. දරුවා මැරිලා අම්ම අඬනවා. ඔයාකාර අඬන video list එකක් අස්සේ නමකුත් ඔලුවට ගියා... මල්ලිකා 🧠

 

එකපාරටම මතක අතරින් කෝසල මල්ලිකා දේවිය එක්ක මේ දුක සම්බන්ධව අහලා තියෙන කතාවක් මීටර් උනා!

 කොසොල් රජතුමා, එච්චරම ලස්සන නොවුනත් නුවණ අතින් සලකලා සාමාන්‍යය කෙල්ලෙක් උන මල්ලිකාව රටේ අගමෙහෙසිය කරගන්නව. කොසොල් රජතුමා කිව්වහම අපිට එකපාරම මතක් වෙන්නෙ සේරු 30 ගානක බත් කාපු එක විතරයි නෙ. ඒත් මේ පසේනදී කෝසල කියන්නෙ බොහොම ජවසම්පන්න කෙනෙක් කියලයි සඳහන. (ඔච්චර කෑමක් දිරවන්නත් කොච්චර හයියක් ඕනද නෙ 😄)

 

ඒ වගේම කොසොල් රජු පහු කාලෙක ශාක්‍යය ජනපදයෙනුත් කුමාරිකාවක් ඕනෙමයි කියල ඉල්ලලා තියෙනව. ඒ ශාක්‍යය කුලේ වංශවත්භාවය තම නමට ගාවගන්න තිබිච්ච උවමනා, රාජ්‍යය අතර සහයෝගීතාව වැඩිකරගන්න වගේ කාරණා වෙන්නට පුළුවන්. ඒත් තමන්ගේ වංශය හෑල්ලු නොවෙන්න වගබලාගන්න ශාක්‍යයෝ උපායෙන්... නියම කුමාරිකාවක් නොවන, ඒත් බොහොම රූපවත් කාන්තාවක් කොසොල් දනව්වට ලබා දෙනව. ඇයගේ නම තමයි වාසභ කත්තියා. වාසභකත්තියාට දාව ඉපදෙන විඩූඪහ කුමාරයා  වැඩිවියට ඇවිත් මේ ගැන දැනගෙන තමයි අර කරාය කියන ශාක්‍යය සංහාරයෙන්... ඒකට පළිගන්නෙ. එයින් ඉතුරු වුන ශාක්‍යය සුළු පිරිසෙන් මෞර්ය වංශය ගොඩනැගුන බව තමයි කියවෙන්නෙ. ඒ මෞර්යය අධිරාජ්‍යයේ උසස්ම පාලකයා විදිහට සඳහන් වෙන්නෙ ධර්මාශෝක රජුනෙ. ඒ උනාට අශෝකගේ සීයත් ඇවිල්ල එසේමේසේ පුද්ගලයෙක් නෙමේ. ඔහු තමයි චන්ද්‍රගුප්ත රජතුමා. මුළු දඹදිවම තනි පාලනයකට ගන්න සමත්වුනු චන්ද්‍රගුප්තට අපූරු උපදේශකකුත් ඉඳල තියෙනව. ඔහු තමයි කෞටිල්‍යය නමින් හඳුන්වන චාණක්‍යය බ්‍රාහ්මණයා (විෂ්ණුගුප්ත කියලත් කියනවාද මන්ද). කවුරුත් දන්න කෞටිල්‍යගේ අර්ථශාස්ත්‍රය කියන රාජ්‍යය පාලනය ගැන ඉගෙන ගත හැකි වටිනා පොතේ රචකයාද ඔහුයි. ඔහුගේද උදව් එක්ක විශාල යුධ සංහාර මතින් තමා චන්ද්‍රගුප්ත දීප චක්‍රවර්තී කිරුළ දරන්නෙ.

 

(එතකොට මට ඇතිවෙන ගැටළුවක් තමයි ලෝකේ වැඩිම යුධ ජයග්‍රාහකයා චින්ගීස් ඛාන්ද, නැත්තම් චන්ද්‍රගුප්තද කියල. මොකද ඒ තරමටම යුද්ධ කරල තමයි චන්ද්‍රගුප්ත මෞර්යය අධිරාජ්‍යය ගොඩනගන්නෙ. එයට නොදෙවැනි වෙන්න තිබුනා අශෝකත් යුධ මාරගයේ දිගටම ගියානම් !)

 

   ආයෙම කතාවට ගියොත් 😉

ඔය අතරේ තවත් මල්ලිකා කෙනෙක් ඉන්නවා කොසොල් දනව්වේ. ඒ තමයි කොසොල් රජතුමාගේ සෙන්පති වෙච්ච බන්දුල මල්ලගේ බිරිඳ... බන්දුල මල්ලිකා. එතකොට මේ මල්ලිකාට ඇතිවෙච්ච දොළදුකක් සංසිඳවන්න, තනියෙම ලිච්චවී රාජ්‍යයට ඇයවත් එක්කරන් ගියා කියනවානෙ මේ බන්දුල සෙන්පති. දොළදුක තමයිලු ලිච්චවී රාජකුමාරයන් විතරක් පරිහරණය කරන ජල තටාකයෙන් ස්නානය කිරීම. කුමාරවරු පිරිසකට සටනකුත් දීල තමයි බන්දුලමල්ලට ආපහු එන්න හම්බෙලා තියෙන්නෙ. ඔයාකාර එඩිතර කොසොල් රජතුමා, බන්දුල මල්ල වගේ අය හන්ද රාජ්‍යයත් බොහොම ශක්තිමත්ව තියෙන්න ඇති.

 

ඔන්න ඉතින් ඔහොම රට ශක්තිමත්ව, සාමකාමීව යද්දී... කොසොල් රජතුමාට දවසක් අහන්න හම්බවෙනව බුදුහාමුදුරුවෝ කිව්වාය කියල “ප්‍රිය දෙයින් තමයි දුක උපදින්නේ” කියල.

 

රජතුමා කල්පනා කරනව... මේ හරුපේ තේරුම මොකක්ද! කැමති දේවල් වලින්නෙ සැප, සතුට උපදින්නෙ. අපේ මල්ලිකාට මොලේ තිබ්බට මොකද බණ අහන්න යන්නේ මෙහෙමත් අයගෙන් නෙ කියල අගමෙහෙසියට ඉතින් විහිලු කරාලු. මල්ලිකා දේවියත් එකපාරටම මේකට උත්තර නොදී බුදුන් හමුවට කෙනෙක් යවලා මේ කතාවේ අගමුල අහගත්තා.

 

ඉතින් රජතුමාත් නිදහස් වෙලාවක් බලලා නුවණක්කාර මල්ලිකා ගිහින් අහනවලු ‘රජතුමනී ඔබතුමා පණ වගේ ආදරේ කරන දුව නැතිවුනොත් එහෙම...?’. රජතුමාට කේන්ති ගිහින් ‘දූ කුමාරි නැති උනොත් හොඳට තියෙයි. අගබිසව මොනවද මේ කියන්නෙ’ කියල ඇහුවලු. ආයෙම බිසව ‘එහෙනම් වාසභ කත්තියා මැරුනොත්...... නැත්තම් මට මොනවා හරි උනොත්’ කියල අහල.

 

රජතුමාට ඒ වෙලාවෙත් කේන්ති ගිහින් ‘මගේ ප්‍රාණසම අයට කරදර, මරණ එද්දී මම කොහොමද දරාගෙන ඉන්නෙ’ කියල, ඔය කතානම් තවත් කතා කරන්න එපා කිව්වලු.

 

එතකොට මල්ල්ලිකා දේවි රජතුමාට කියනව “ඔය ගැන තමයි ඉතින් බුදුහාමුදුරුවෝ කියල තියෙන්නෙ”.

 

පෝදා විකාශය නිමි.

ස්වස්ති සිද්ධම් 😇!

 

Read More

 රවිතුමාගේ මා ළඟටම තව ළංවෙලා පෝස්ටුව කියෙව්වාම හිටං, මට මේ සින්දුව මතක් උනා. ඒ හන්දා ලංකාදීපෙන් උස්සලා මේ ගී විචාරේ දැම්ම. ටටා ✋

 

ආචාර්ය අජන්තා රණසිංහයන්ගේ ව්‍යංගාර්ථපූර්ණ, ධ්වනිතාර්ථපූර්ණ, රූපකාර්ථවත් සුගේය පද සුසංයෝගයෙන් ද විශාරද එඩිවඩි ජයකොඩි සූරීන්ගේ භාවපූර්ණ හඬ මාධුර්යයෙන් ද ප්‍රවීණ සංගීතවේදී ආනන්ද පෙරේරාගේ මධුර මනෝහර ස්වර සංරචනයෙන් ද සමලංකෘත වූ මේ අනගි ගී මිණ ශෘංගාර රසය මෙන්ම ලලනා ලාවණ්‍ය ලෝලය ද දල්වයි.

මෑතකදී අප අතරින් වියෝ වූ ආචාර්ය අජන්තා රණසිංහයෝ මේ මනරම් ගීමිණිරුවනෙහි ගේය කාව්‍ය සිත්තරුවෝය. අජන්තා නම ඇසූ සැණින් අප මතකයට නැගෙනුයේ ඉන්දියාවේ අජන්තා ලෙන් හා ඒවායේ ඇති මනරම් බිතු සිතුවම්ය. අජන්තා රණසිංහයන්ගේ නමත් මෙරට ගීත සාහිත බිත මත සිත්තම් කළ සදා නොමැකෙන සුන්දර සිතුවමක් වැනිය. දෙරියන්, සිවුරියන්, නවරියන් පද රචකයන් අතර ආචාර්ය අජන්තා රණසිංහයෝ දහ අට රියන් ගේය කාව්‍ය සිත්තරුවෙක් වූහ. ගීපද රචකයෝ හතු පිපෙන තරමට බිහිවෙති. එහෙත් සුභාවිත ගීතයට පණ පොවන වාග් චාතුර්යයෙන් පොහොණි ගේය පද සිත්තරුවෝ සුදුර්ලභයෝය. ගීතය වඩාත් භාව පූර්ණ වූ සාහිත්‍ය භාෂණයක් බවට පරිවර්තනය කරමින් දශක ගණනාවක් පුරා සිංහල සුභාවිත ගීතයට ආචාර්ය අජන්තා රණසිංහයෝ ඉටුකළ අප්‍රමාණ මෙහෙවර අමරණීය වෙති.

ගීතය වූ කලි අර්ථ සෞන්දර්ය ව්‍යාපාරයකි. ගේය පද රචකයකුගේ සංකල්පනාවකට සංගීතයෙන් හා ගායනයෙන් නව අර්ථකථන ද සම්පාදනය කොටගත හැකිය. එහෙත් ගීතය තුළින් අර්ථය අතික්‍රමණය කළ පුළුල් ආර්ථික, දේශපාලන හා සමාජ පැතිකඩක් නිරූපණය කිරීමේ ශක්‍යතාව සෑම ගේය පද රචකයකුටම නැත. සරල නොගැඹුරු හරසුන් විවරණ වෙනුවට නවීන අර්ථ විවරණ සපයන හුදු ප්‍රකාශන වාගාලාප වෙනුවට සියුම් රස ජනනයට මුලපුරන සාහිත්‍ය රසයෙන් අනූන ගේය කාව්‍ය රචකයෝ ද අද විරල වෙති.

ශ්‍රී චන්ද්‍රරත්න මානවසිංහ, මහගම සේකර, මඩවල එස්. රත්නායක, ඩෝල්ටන් අල්විස්, කරුණාරත්න අබේසේකර ආදී පුරෝගාමී සුවිශිෂ්ට ගේය කාව්‍යක්කාරයන්ගේ පෙකෙණිවැල කපාගෙන ලාංකේය ගීත කේෂ්ත්‍රයට පිළිපන් මහාචාර්ය සුනිල් ආරියරත්න, සුනිල් සරත් පෙරේරා, ප්‍රේමකීර්ති ද අල්විස්, ස්වර්ණ ශ්‍රී ඛණ්ඩාර, ධර්මසිරි ගමගේ, ලූෂන් බුලත්සිංහල, කුලරත්න ආරියවංශ, කුමාරදාස සපුතන්ත්‍රි, රත්න ශ්‍රී විජේසිංහ, වසන්ත කුමාර කොබවක, සුනිල් ආර්.ගමගේ, බන්දුල නානයක්කාරවසම්, බණ්ඩාර ඇහැළියගොඩ ආදීන් අතර ආචාර්ය අජන්තා රණසිංහයෝ ඉහළින්ම වැජඹෙති. සිංහල ගීත වංශයේ අවිච්ඡින්නව ගලා යන ප්‍රේම ගීතාවලිය පිළිබඳ කතා කරන විට අජන්තා රණ සිංහයන් අමතක කළ නොහැකිය. අජන්තා ගීතාවලිය සැබැවින්ම අනභිභවනීයය. විචිත්‍රෝපශෝභිතය. සබුද්ධිකය. ප්‍රේමයේ විරහා වේදනාව මෙන්ම විපුලම්භ ශෘංගාරය දනවන ගීත ගොන්නක උරුමකරුවෝ ද අජන්තාවෝය.

මේ ගීතයේ කථකයා සිය මංගල රාත්‍රියට මුහුණදී සිටියි. කාම සම්භෝග සම්පර්කයට නොතින් ආසාවෙන් භාවලීලානු රාගයෙන් බලා සිටින ඔහු සිය මනාලියගේ රූපශෝභාව අරබයා උපන් ලෝලයත් එය පාදක කරගෙන නිපන් ශෘංගාරයත් ප්‍රකාශ කරයි. ගීතයකින් සිදුවිය යුත්තේ භාව ප්‍රකෝප කිරීම නොව භාව විකසිත කිරීමය. එහෙත් අද ඇසෙන බොහෝ ගීත තුළින් සිදුවන්නේ ජුගුප්සිත හැඟීම් ඇති කොට භාව භංග කිරීමය. අජන්තා රණසිංහයන්ගේ විශිෂ්ට පද හරඹ සහිත මේ ගීතයේ පැදි පෙළ හැදෑරීමකින් තොරව සාමාන්‍ය රසිකයාට තේරුම්ගත නොහැකිය. අපි මුලින්ම ගීතයේ ස්ථායි කොටස දෙස අවධානය යොමු කරමු.

 

මුව මුක්තා ලතා - පිපි හංසාන්ගනා

විල් නෙළුමාසනෙන් ආ ළඳේ - නුඹ භාග්‍යා සරෝජාවියේ

ස්වර්ණා වර්ණා පැහැයෙන් දිළේ

 

මුතුවන් දත් දෙපළක් හිමි මේ හසඟන පැමිණ ඇත්තේ අඟහරු ලෝකයෙන් නොව විල් නෙළුමාසනයකිනි. නෙළුමාසනය හෙවත් පද්මාසනය යනු පාරිශුද්ධත්වයේ සංකේතයකි. මේ කාන්තාවගේ නිර්මලත්වය සුවිශද කිරීමට රචකයා එබඳු බහු අරුත් දනවන වචන යොදාගෙන ගෙන ඇත. සාහිත්‍යයේදී ස්ත්‍රී වර්ණනයට නෙළුම් මල යොදාගැනීම ගතානුගතිකය. එහෙත් ආචාර්ය අජන්තා රණසිංහයෝ අවස්ථාවෝචිතව විවිධත්වයෙන් යුතුව නෙළුමක මහිම කාව්‍යොක්තියට නගති. නම් සියයකින් විතර හැඳින්වෙන මේ අරුම පුදුම පියුම පිළිබඳ මහා කවි කාලිදාසයෝ ද වර්ණනය කරති. ඔහුගේ මහාකාව්‍ය කෘති වන මේඝ දූතය, රඝුවංශය ඊට දෙස් දෙයි. අජන්තා රණසිංහයන්ට අනුව ඇය උපන්නේ විල් නෙළුමාසනයකිනි. මේ වූ කලි නිකන්ම නිකන් හංස දෙනෙක නොව රන් වන් පැහැයෙන් සුදිළෙන ස්වර්ණ වර්ණ හංසදේනුවකි. මෙහිදී කථකයා ඇයට භාග්‍යා සරෝජා යනුවෙන් ද ආමන්ත්‍රණය කරයි. සකු භාෂාවෙන් නෙළුම් මලට සරෝජා යන අරුත දෙයි. මේ වූකලි වාසනාවන්ත නෙළුමක් නොවේද ? සියපත, තඹර, රතුපුල්, අරවින්ද, පංකජ යන යෙදුම් ද කවියෝ නෙළුම්මල අරුත් ගැන්වීම සඳහා යොදා ගනිති. ස්ත්‍රී සෞන්දර්ය තරම් පුරුෂයාගේ නෙත් සිත් වශී කරන මන දොළ වඩන අන්‍ය සුකුමාර සෞන්දර්යයක් මේ විස්මිත විශ්වයේම නැත. මෙයට හේතුව ජීව විද්‍යාත්මක යැයි ඇතමෙක් කියති. එහෙත් එය හුදෙක් ජීව විද්‍යාත්මක කරුණක් පමණක්ම නම් කාන්තාවන්ට නෙත් සිත් වශී කරන රූප ශෝභාව අවශ්‍ය නොවේ. හුදු ස්ත්‍රීත්වය පමණක් ප්‍රමාණවත් වේ.

 

මා හද ප්‍රේමාංගනේ - රෑ නුඹ රහසින් ළඳේ

බඳ මණිමේඛලාව මුදා - අනුරා නෙත් නගන් නොනිදා

 

මෙහිදී කථකයා මනාලියට පවසන්නේ තමන්ගේ හදවත නමැති ප්‍රේමාංගණය රංජනය කරමින් ඉණ බැඳී මිණි මෙවුල තවත් කල්යල් නොබලා ගලවා දමා කාම සම්භෝගයට සුදානම් වන ලෙසයය. එපමණක් නොව රැය පහන්වන තුරුම අනුරාගය දල්වමින් නිදිවර්ජිතව කාමාස්වාදයෙන් කුල්මත් වන ලෙසට ද ඔහු ඉඟි මරයි. මේ ගීතය ශෘංගාර රසයෙන් සුපෝෂණය කිරීමට ආචාර්ය අජන්තා රණසිංහයෝ ලිංගික මෙවලමක් ( Sexual Device) ද භාවිතයට ගනිති. මණි මේඛලාව හෙවත් පතිවත තීරය ( Chastity Belt) යනු ඉපැරැණි සමාජයේ රජ බිසවුන්, කුමාරිකාවන් ඉණට මඳක් පහළින් පැළඳි ලෝහයෙන් තැනු ආභරණයකි. කාන්තාවන් පතිවත සුරැකීමට මෙම ආභරණය භාවිත කළ බවත් එය ඉණ පැළඳි කතුන්ගේ තුනටිය මඳක් සිහින් වන බවත් පැරැන්නෝ කියති. එහෙත් යකඩයකින් තැනු මෙවලමක් රහසඟ එල්ලා සිටීමෙන් ඇතිවන පීඩාකාරී අපහසුව කාන්තාව කෙසේ නම් විඳදරා ගන්නේ දැයි මම නොදනිමි. මණිමේඛලාව පිළිබඳ මහා ගත්කරු මාර්ටින් වික්‍රමසිංහයෝ මෙසේ කියති. මණිමේඛලාව යනු ගැහැනුන්ගේ ඉඟටිය මඳක් සිහිකර සුන්දරත්වය පෙන්වීම සඳහා යොදා ගන්නා ආභරණයකි. එය Griddle (දැලක් ) එකක් වැනිය. වික්‍රමසිංහයන් පවසන පරිදි ඉඟසුඟ මිටින් ගත හැකි හැඩැති රුවැති ලලනාවකට අකමැති පිරිමිහු කවරහුද ?

 

ආකාශ ගං චන්ද්‍ර නෞකාවේ - තනි වෙන්න යං පෙම් රසෝජාවේ

රූ සිරු කල්‍යාණියේ - මා සැතපෙන්නම් ප්‍රියේ

තුනු ශ්‍රීයෙන් විපුල් වොරැඳී - මනසානන්ද මන්දෝදරී

 

සම්භාව්‍ය සාහිත්‍ය මැනවින් ප්‍රගුණ කොට ඇති ආචාර්ය අජන්තා රණසිංහයෝ මෙහිදී අහස් ගඟක් ගැන ද වර්ණනය කරති. අහස් ගඟ යනු කුමක්ද? නිල්වන් අහස් කුස මතින් දිවෙන සුදු පැහැති ආලෝක තීරයකට පැරැන්නෝ අහස් ගඟ යැයි කීහ. හිමාලයේ අනෝතප්ත විල දකුණු දිශාව ඔබ්බෙන් අහස් ගඟ පටන් ගන්නා බවද ඔවුහු කියති. එහි සිටින්නෝ කවරහුද? ඇතැම් පක්ෂීහු සහ දිව්‍යාංගනාවෝ අහස් ගඟට බැස දිය කෙළියේ යෙදෙති. මේ ගීතයේ කථකයා සිය මනාලියට මධුසමය ගත කිරීමට යාමට කතා කරනුයේ මෙකී සුන්දර අහස් ගඟටය. පිරිසිදු ධවල වර්ණනයෙන් ශෝභමාන සුගන්ධවත් අහස් ගං දියේ බැබළෙන සඳවතිය නමැති නැවට ගොඩවී එහි තනි වීමට ඔහු ඇයට ඇරියුම් කරයි. මෙබඳු මනස්කාන්ත පරිසරයක තම වල්ලභයා සමඟ මංගල රාත්‍රිය ගත කිරීමට අකමැති මනාලිය කවුරුන් ද?

 

රූ සිරු කල්‍යාණියේ - මා සැතපෙන්නම් ප්‍රියේ

තුනු ශ්‍රීයෙන් විපුල් වොරැඳී - මනසානන්ද මන්දෝදරී

 

මධු සමය නමැති සොඳුරු සුයාමය අබිමුව සිටින මේ කථකයා සිය මනාලියගේ නව යෞවන ලලනා සෞන්දර්යයෙන් කුල්මත්වී, වල්මත් වී සිටියි. ඔහු ඇගේ තුරුණු රූසපුව වර්ණනා කරමින් චමත්කාරයෙන් ඔජ වඩයි. චමත්කාරය නම් සිත පිරී ඉතිරී යන විස්මය මුසු හැඟීමයි. මේ විස්මයට හේතුව සරෝජාගේ අපරිමිත අභිරූපි රූප කල්‍යාණයම නොවේද? මනාලයා ඇගේ සුන්දර සිරුර මත සැතපීමට පවා සූදානම්. මේ සොඳුරු කත පිරිමි මනස ආනන්දයෙන් මුසපත් කරන මන්දෝදරියකි. මෙහිදී ආචාර්ය අජන්තා රණසිංහයෝ ප්‍රථමවරට සිංහල ගීත ශබ්ද කෝෂයට අලුත් වචනයක් ද හඳුන්වා දෙති. ඒ මන්දෝදරී නමිනි. මන්දෝදරී යනු සිහින් උදරයක් සහිත කාන්තාවයි. කෝට්ටේ විසූ මහා කවියකු වන ෂඩ් භාෂා පරමේශ්වර තොටගමුවේ ශ්‍රී රාහුල හිමියෝ සැළලිහිණි සඳසෙහි ජයවද්දන පුර වැනුමෙහි කාන්තා සිරුර මෙසේ වනති.

 

සිසිවන උවන ඉඟ සුඟ ගත හැකි මිටින - නිසි පුළුලුකුල රියසක යුරු තිසර තන

දිසි රන් ලියෙව් රූසිරි යුත් මෙපුරඟන - ඇසි පිය හෙළන තරමින් නොවෙති දෙවඟන

 

මේ කවිය ලලනා වර්ණනයක් නොවුද එදා ජයවර්ධන පුර නගරයේ සුන්දරත්වය ක්‍රියා පෑමට රාහුල හිමියෝ රූප කල්‍යාණියකගේ සුන්දර සිරුර උපහැරණයට ගත්හ. එබඳු අසාමාන්‍ය නාරිසෞන්දර්යය කවි ඇසින් කලා නෙතින් දැක්ම මනසානන්දනීය නොවේද?

 

හිරු එන්න පෙර රාත්‍රි මේ සීතේ - හා හා ගයන් සෞම්‍ය සංගීතේ

ඒ හිරු නොනගීවා - රෑ තව දිගු වේවා

ඔබෙ නළලේ සඳුන් තිලකේ - අද ඉහිරේද දෙතොලින් මගේ

 

ගීතයේ අවසාන අන්තරා කොටසෙන් කථකයා ඇයට මියුරු මියැසිය නඟන සුමිහිරි ගීතයක් ගැයුමට ද ආයාචනා කරයි. සුර්යයා උදාවීමට පෙර රැය පහන් වනතුරු ප්‍රේමයෙන් රාගයෙන් මුසපත්වීමට නොවේද මේ ඇරියුම? නිදිවර්ජිත මේ රාත්‍රිය තවත් දිගුවී හිරු නොපායන ලෙස ද ඔහු අයදියි. මේ ගීතයේ අන්තිම පැදි පෙළ ද අතිරමණීය වෙයි.

 

ඔබෙ නළලේ සඳුන් තිලකේ අද ඉහිරේද දෙතොලින් මගේ

 

මේ පද ගීතයේ හද මෙනි. මෙහිදී කථකයා විචිකිච්ඡාවෙන් පවසන්නේ ඇගේ අඩසඳ සදිසි නළල්තලයේ රුව වඩවා දිදුළන සඳුන් තිලකය තම දෙතොලේ චුම්බන පහසින් මුව මීවලින් සේදී මැකී යාමට ඉඩ ඇති බවයි. මේ කෙතරම් රමණීය කාව්‍යොක්තියක් ද? ආචාර්ය අජන්තා රණසිංහයන්ගේ අති විශිෂ්ට පද සංයෝජනය ද විශාරද එඩ්වඩ් ජයකොඩිගේ භාවපූර්ණ හඬ මාධූර්ය ද ආනන්ද පෙරේරාගේ නාද සංයෝජනය ද සමග්‍රව සුසැදි මේ ගීමිණ කාමී ජනහද අමන්දානන්දයට පත්කරයි.

-         විවරණය : ශෂී ප්‍රභාත් රණසිංහ

Read More

එක වාරෙකට වැඩිම හචිස් යවන කෙනාට හම්බෙන්න ඕන Guinness world record එක හම්බෙනවනම් හම්බෙන්න ඕන මේ මට. ඒ මොකද කියන්නෙ සමහර වෙලාවට හචිස් යනව 15, 20ක් විතර... එක සැරේ. හචිස් කිව්වෙ ඉට්ටැයිල් එකට. ඕකට Oxford සිංහල ඩිස්සනේරියෙ තියෙන්නෙ ‘කිඹුහුම’ කියල. අකුරු පටලවාල කියවගන්න එපා ප්‍රෙන්ඩ්ස්... කුණුහබ්බ කියවෙයි හොඳේ 😆

ඔය හච්චින් යන්නෙ කවුරුහරි මතක් කරාමය කියනවා නෙ... සමාර උදවිය. ඒත් මෙයාකාර මතක් කිරීමක් 🙈

ඇත්තටම වැඩේ උනේ කතරගම පාද යාත්‍රා ගිය කාලේ කොම්පීතර් මේසෙ අස් කරන්න බැරි වීම. කොම්පීත්ර් කීවට ගෙදරදී මේ ලඟක් වෙනකම් වැඩකරේ උකුල් ඉහලෙන් (laptop). හදිසියේ පාද යාත්තරා දිනේ වෙනස් වෙලා කලින් යන්න උන කතාව නිදිගේ පංචතන්තරෙන් කවුරුත් දන්නව ඇති නෙ. ඒ හන්ද වැඩකරන මේසෙ යද්දී යකා නටල තිවනෙ. පොඩි පොඩි කෑලි අරව මේව එකයි මේසෙ උඩ. ඒ හන්ද ගෙදර කවුරුවත් අස්කරන්න අතවත් තියලා තිවනෙ නෑ.

ගිහින් ඇවිත් තව දවස් දෙක තුනක් ගිමන් හැරල, අස් කරල හිටං Laptop එකේ යහමින් වැඩ කරගෙන යනකොට full slow දුවපු හාදයා ලෙඩ ඇඳට වැටුන එකපාරම. හුම්! කම්මලට ගෙනිහින් ලෙඩේ හොයන්න ගලවලා බලද්දී දැක්කේ CPU fan එක ළඟ තිව්න දූවිලි ගොඩ. කඩේ අයිය කුණු ගොඩක් දිහා බලන්නැහේ බලාගෙන හිටිය. මම විලි ලැජ්ජාවෙ අහක බලාගත්ත. “මල්ලි පාවිච්චි කරද්දී මාස 6න් 6යට වත් clean එකක් දෙන්න ඕන” එහෙම කියලා මිනිහ පොටෝ දෙකතුනකුත් zoom කරල අරන් හිට පෙන්නුව. මාත් නොදන්න ගානට ‘ආ ඒකත් ඒමද අයියා’ mood එකෙන් බබා හිනාවක් දැම්ම. ඕමයි කතන්දරේ අමල් බිසෝ කීවලු!

සමහරු Blower පාවිච්චි කරනව Motherboard ගලවලා හෙම සුද්ධ කරන්න. ඒත් ඒකෙන් වෙන්නෙ කුහර වගේ තැන්වල දූවිලි තවතවත් රැඳෙන එක. ඒ නිසා Vacuum එකක් පාවිච්චි කරන එක නුවණට හුරුයි.

ඇත්තටම අපි desktop එකක් ගලවල කෑලි හයි කරන, සුද්ද කරන විදිහට laptop වලට අත තියන්න යන්නෙ නෑනෙ. මොකද පොඩි බයක් තියෙනව. (බසූ වගෙ මකබාස්ල නම් lap නෙමේ circuit bomb එකක් උනත් ගලවලා හදයි).  lap එක අරගෙනත් අවු: 5කට වැඩී. ඒ ඉඳල කැඩෙනෑකම් සුද්ධයක් දෙන්න හිතුවෙවත් නෑ. කතරගම යන්න කලිනුත් පොඩියට slow වෙලා තිබුනෙ. ඒත් මං හිතුවෙ memory full තියෙන නිසා කියල. ගිහින් ඇවිත්ම backup එකක් දාගෙන, space එක දුන්නම වැඩේ හරි කියල හිතුවෙ. ඒත් slow වෙන්න එක හේතුවක් විතරයි ඒක. අනික් හේතුව, කතරගම යන්න කලින් මාසයකට කිට්ටු වෙන්නම එළියෙන් පිහිදාළ කරල වෙනදා කරන සුද්දෙවත් නොකිරීම.

හුම්, ඉහත පැදි පෙලෙන් ලබා ගත හැකි ආදර්ශ කවරේද -

අංක එක - පාවිච්චි කරන උපකරණෙ/ අවයවේ ඉඳල පිරිසිඳුව හා නඩත්තුව.

අංක දෙක - සුද්ධබුද්ද කරන වැඩ වලදී හා උපකරණ නඩත්තු කටයුතු වලදී පැළඳිය/ භාවිත කළ යුතු ආවරණ පාවිච්චි කිරීම.

අංක තුන - මට මතක නෑ.

අංක හතර - හරි එකෙක්ට චන්දෙ දෙන්ඩෝ, නැත්තන් නොදී හිටු.

අංක පහ - කැමති කෙනෙක් කොමෙන්ට් කරන්න.

Read More

ශැපට දුකට සනී - දැන් පෙන්වනවා!

ඔය සැපට දුකට සනී කියන පිල්ම් එකේ ප්‍රධාන චරිතයට හිටියෙ හිටං... බංදු සමරසිංහ. බංදුතුමත් ඇවිල්ල හොඳ ජෝකර් කෙනෙක් තමයි.

මේ අස්සෙ ලියන්න ගිය දේත් අමතක උනා. කොහෙද... ජෝක් නේ. ඉතිං සිනා 😅😅

කියන්න ගියේ, දැන් ටික දොහක ඉඳල මහජන බැංකුවේ tagline එක (ජනහද හඳුනන) රැගත් යම් යම් පුජ්ජලයො, ජහමනයට... කඩමන්ඩියෙදි, පන්සලේදි, කෝවිලේදි, ඉක්කෝලෙදි, හෝස්පිටැල් එකේදි, සති පොලේදි,  සුපර් මාකැට්ටුවේදි, ඒ තියා පබිලික් ලැවට්‍රියක් ගාව හරි හමුවෙනව. ඉදිරියේදිත් එහෙම හමුවෙන්න නියමිතයි. ඒක තීන්දුයි.

එහෙම හමුවෙලා... මූණ අතගාල, හිස අතගාල, පුම්ක මිරිකලා, ඔබෙත් මගෙත් දුක විමසන ඒ යම් යම් පුජ්ජලයන් අපෙන් සැප සනීප විස්තර අහාවී. දැනටමත් අහගෙන යන ගමන්!

අහල මොකද කරන්නේ?. මුකුත් කරන්නෙ නෑ. පොඩි වීඩියෝ කෑල්ලක් අරන්, පොටෝ එකක් ගහගෙන හිමීට ආපු වාහනයකින්ම ගම්බිම් හෝ නගර, බංගලා බලා පිටත්ව යාවී.

ඉතීම්, ලබන සැරෙත් අපි දෙනව බැටේ කියාගෙන ඉන්ට අපේ සුවහසක් ඖල මොට්ටල ජහමනයා මොකද කරන්නෙ හිටං... කතිර පෙට්ටිය පුරවයි!

පිරෙන ගාන මදී කියල හිතුනොත් ඒ හිතෝතුන් මොකද කරන්නෙ මයි ප්රෙන්ඩ්ස් ?

Film එකක් පෙන්නාවි !

Read More

හුම්! සනිදා දහයට මාත් post එකක් දාන්න හිතුව. සමහරු දැන් ඒක ටිකක් මග ඇරලත් තියෙන හන්ද##. ඒත් කොහෙ... වැඩයි, කම්මැලිකමයි අස්සෙ ඕවට ඉඩක් ##. ඒ හන්ද මේ ඊයේ පෙරේදාවක, කලක් නොඇසුන සිංදුවක් මතක්ක උනා. ඒක මෙහෙම පබිලිස් කරන්නම්... හුදී ජන පහන් සංවේගය සලකලා.

 

හදිසියේ post එක දාන හන්ද ඉතීම් වැඩි විස්තරයක් නෑ ඕන්!

 

බොහොම සරල වචන ටිකක්... යටි හෝ ගැඹුරු අරුත්ගැන්වීමක් නැතිව, තාලයට කියන්ට පුලුහං විදිහට පද ටික ලස්සන රටාවකට ගලපලා තමා ලියල තියෙන්නෙ. පද මාලාවෙ අයිතිකරු කැළුම් ශ්‍රීමාල්. පද වැලට හරියන සංගීතය පොඩි වේග රිද්මයට මුසු කපිරිඤ්ඤ හැඩයක් වගේ නෙ?. සංගීතය මහින්ද බණ්ඩාරයන්ගෙන්. ගායනය ඉමාන් පෙරේරා. වැඩිය සිංදු කරල නැති ගායකයෙක්!

 

සරල සුගම ස්ටොරියේ හැටියටනම් ලාස්සන කෙල්ලෙක්ට තදින්ම ලව් කරන කොල්ලෙක්. කෙල්ල වෙන්ට නිළිය. අල්මෝස්ට් ඩාන්සින් ලේඩි.

 

ඉතීම් කෙලී ඩාන්ස් කරන හැම තැනටම මේ බෝයිපෙන්ඩ් හෝ වෙන්ඩ බලාන ඉන්න බෝයිපෙන්ඩ් කොලුවත් යනව. ගිහින්... ඇය කරළිය මන්මත් කරමින් නර්තනයෙ යෙදෙන ඒවත් එකක් නෑර බලාන ඉන්නව. පපුව කීස් ගානවත් ඇති, අනික් එවුනුත් මයෙ කෙම්ලගෙ හැඩ බලනව නේදත් කියල හිටං. මේ අස්සෙ අඹුව කරගන්නයි කම්පනාව..... මේ ලාස්සන නිළියව!

 

* * ** * *

 

ලස්සන නිළියේ

නුඹ රඟනව දැන් කරළියේ

නුඹ හින්දම මං තාමත් මේ ගැලරියේ

මට අදහ ගන්න බැරි ජීවිත පෙරළියේ

ඉරණම විසඳමි දවසක නුඹ ඉදිරියේ

 

ලස්සන නිළියේ

නුඹ හින්දා මං තාමත් මේ ගැලරියේ....

 

මේ කතන්දරේ අවිහිංසක ගෙවිලියේ

එය නුඹට ඔබින භූමිකාව සොඳුරියේ

ලෙළදෙන දේහේ රහස් ඔසුව හෙරලියේ

ඒ වගක් මොටද නේද කෝල දැරිවියේ

 

ලස්සන නිළියේ

නුඹ හින්දම මං ඉන්නව මේ ගැලරියේ...

 

හොඳ බයිස්කෝප් ලැබුණෝතින් හදිසියේ

උඹ වෙනස් වෙලා යාවිද පැණි මුරුසියේ

ඉඩ තියන්නෙපා ලගින්න මට පොලිසියෙ

නුඹ නැතිනම් මට මරණෙ සැපයි කුරුසියේ

 

ලස්සන නිළියේ

නුඹ හින්දම මං මැරෙනව මේ ගැලරියේ...

  සිංදුව අහන්න මෙතැනින් 👉

Read More