එකෙක් FB එකේ post එකක් දාල තිව්න සූර්යා මීන රාශියෙන් මේෂ රාශියට යනකොට අපිට හරි වියදම්නෙ කියල.

ඇත්ත. සැමරුම් වලට වටිනාකමක් තියෙයි. අතින්කයිට් නොවී සමරන්න නම් අඩුගානෙ කලින් ආණ්ඩුවල මන්ත්‍රී කෙනෙක් වෙලාවත් ඉන්ට තිව්න 😂.

පොතේ හැටියට නං අවුරුද්දට සිංහ ලේ- දමිල ලේ 😁 කස්ටියම... අවුරුද්ද සමරනව.

නාගරීකරණය, පැතිරුන පවුල සංවෘත වීම ආදී නොයෙක් කාරණා හන්ද වර්තමානේ නම් මේ චාරිත්‍ර සහ සැමරීම් කෙරෙන්නෙ ටිකක් අඩුවෙන්. ඒත් අතීතේ ගම්වල සිදුවුනාටත් වඩා සාර සොබාවට... ගැමි අවුරුදු events, TV චැනල් වලින් සංවිධානය කරනව නෙව!

ඔය අතරෙ අර බෞතිකවාදී ලයින් එකක යන අය සහ පොඩි රැඩිකල් මතයක ඉන්න අයනං... මේ චාරිත්‍ර සහ සැමරීම් දකින්නෙ මෝඩ පහේ වැඩ හැටියටයි. මයෙත් ඒ හැටි ඔය චාරිත්තර කෙරේ වැඩි ලැදියාවක් නැති උනත්, අනික් කස්ටිය මේ සැමරුම් කරන එකේ අගුණක් නම් දකින්නෙ නෑ.

මොකද... පොඩි අයට තෑගී හම්බෙනවා, යාළුවො සෙට් වෙනව, සෙල්ලං කරන්න හම්බු වෙනව. සල්ලි හම්බෙනව. පාඩම් කරන්නත් නෑ. ඒ හන්ද උන්දලාට වාසි.

වැඩිහිටි අය ගත්තම... stress ජීවිතෙන් පොඩ්ඩක් මිදිල restart එකක් කරගන්න හම්බුවෙනව. ගමේ යන්න, ටුවර් එකක් යන්න නිවාඩු හම්බෙනව. මහගෙදර තනි උන දෙමව්පියන්ට දරුවන් දකින්න හම්බ වෙනව. බෝනස් හම්බුවෙනව. (වියදමුත් වෙනව තමා). ජීවිතේට දැකල නැති ඤාති දැකගන්න හම්බුවෙනව. පරණ කෝන්තර වගේ දේවල් යටගිහින් දැනහැඳුනුම්කම් අලුත් වෙනව. EXට විශ් කරන්නත් හම්බෙනව 😂. කොල්ලන්ට, කෙල්ලන්ට ලව් එකක් පටන්ගන්න අවස්තාවක් හම්බවෙනව. අවුරුදු ගී අහන්න ලැබෙනව. පිරිමින්ට Wifeලගෙන් ගෙදරම බොන්න පර්මින්සන් ලැබෙනව. කාන්තා පාර්සවේට shopping කරන්න හම්බවෙනව. අලුත් ඇඳුම් අඳින්න හම්බෙනව. ඒවා ඇඳන් හෙම Social mediaවලට පේන්න අවුරුද්ද සමරන්න පුළුවන් වෙනව. නළුනිළියන් අවුරුදු කන හැටි TV එකේ දකින්න හම්බෙනව.

ඕන්නං අවුරුදු උත්සව වලට සහභාගී වෙලා... සැඟවුනු අලිය කොට්ටෙ තියල කිරි කවන්නත් අවස්තාව ලැබෙනව. ඒ ඇර තව කොච්චර ක්‍රීඩා තියේද. ඒවාට සහභාගී වෙලා තෑගී දිනන්නත් පුළුවන් නෙ.

කෙට්ටු අපි වාගේ අයට මහත් වෙන්න චෑන්ස් එකත් හම්බු වෙනව 😂 😂

සමාජෙම පොඩි සොමි ලයින් එහෙක යනව. ඉතිං දාර්සනිකව ඉඳන්... ඔය සොමි vibe එකට අකුල් හෙලන්ට පුලුවනෑ කියලයි මටනං හිතෙන්නෙ.

ඒ හන්ද FB, WhatsApp හැම එකේම ගොඩක් අයට අවුරුද්දට විශ් කරා. මොකද සමහරුට එක විශ් එකක් උනත් ඇති සතුටු වෙන්න... මේ සොසියිටියේ. (කාලෙකින් මිත්‍රයෙක් සුබපැතුමක් එද්දී නං අපි උනත් ඩාම් ඩූම් වෙනව තමා. ඒත් ඕන බම්බුවක් වෙද්දෙන් කියල විස් කරා)

එහෙනං... වාසනාව, සතුට සෞභාග්‍ය සපිරි සුබ උපන්දිනක් වේවා හැමෝට්ටම 😁​🎉​🙏​

Read More

News එකෙ තියෙන හැටියටනං... Windows 10ට මේතාක් ඒ උන්දලා දෙමින් සිටින තාක්ෂණික-සේවා සහය නවත්වන බවක් තමයි කියැවෙන්නෙ. ඒ කියන්නෙ අලුතෙන් හැදෙන malware, security ආදී පුරස්නයක් ආවොත්... අදහන දෙයියෙක් සිහිකරගන්න එකයි ඇත්තෙ හිටං 😆.

Windows 10 ආවේ 2015 වගේ කාලෙකදී සහ Windows 11 නිකුත් උනෙත් 2021ක වසරේ.

කෝම උනත් අතීතේ... windows සමහර ඒවාට දෙන support එක නවත්වන බව වටින් ගොඩින් කියලත් තව ටික කලක් වැඩේ ඇදන් ගියා. (මේකනම් නවත්වයි කියපු දවසටම, officially කියා තියෙන හන්දත්).

පරණ ඒවාට සේවා සපයන්න ගියාම... යන කාලය, වියදම වගෙ ඒවත් සැලකුවොත් ඔවුන්ට ඒක අමතර පිරිවැයක්. ඒ උනත් අර කීව වගෙ ටික කාලයක් ඇදන් ගියා. මේ විදිහේ සේවා සලසන, උදව් දෙන සිදුවීම් කොයිතරම් නම් අපි යූ බටෙන්, ජාලෙන් දැකල ඇද්ද. ඒ අතිසය බහුතර සිද්දි ඉතිං වෙනත් දේස දේසාන්තරවල තමා. (ලංකාවේ නැතුවමත් නෙමේ)

උන්දලා කවුරු වෙනුවෙන්ද මේ කරන්නෙ. තම පාරිභෝගිකයා වෙනුවෙන්! මහා පතල කරුණාවකින් නෙවේ උනත් එහෙම හරි තම පාරිභෝගිකයා ගැන හිතන එකට අපි ඔවුන්ට ටැංක්ස් කරන්න ඕන. (අපිත් විදේශ භාණ්ඩ හා සේවාවල පහසුකම් ලබනවා නෙව... ටිකක් හරි 🤗 ​)

ඒ අස්සෙ මේ ටිකේ මතකෙ තිබ්බ තව දෙයක් තමයි ලාල් ඇමටි තම ආණ්ඩුවේ ආර්ථික ප්‍රතිපත්තිය ගැන කළ කතාව.

"අපි ඇඩම් ස්මිත්ව ප්‍රතික්ෂේප කරලා ගොඩක් කල්. එයාගේ මූලධර්මය රජය ආර්ථිකයට සම්බන්ධ වෙන්නේ නෑ කියන එක. යුරෝපයෙන් හා එයාගේ ගෝලයන්ගෙන්ම ඒ න්‍යාය ප්‍රතික්ෂේප උනා. රනිල් කලේ රජය අකුළමින් ගිය එක. අපේ මූලධර්මය ඒක නෙමෙයි. අපේ ආර්ථික මූලධර්මය තමයි ආර්ථික ප්‍රජාතන්ත්‍රවාදය. ඒ කියන්නෙ රජය යම් පමණකට ආර්ථිකයට සහභාගී වෙනව "

ඇඩම් කියලා තියෙනවයි කියල ඉගෙනගෙන/ අහල තියෙන්නෙ... රජය ඇඟිලි නොගහා නිදහස් ආර්ථිකයට ඉඩ දීල එයින් ඇතිවෙන වෙළඳපොළ තරඟකාරීත්වයෙන් ඵලදායිතාව, දියුණුව ඇතිවෙලා පාරිභෝගිකයට මිල සහ වටිනාකමේ වාසි ලැබෙනවා, රටත් දියුණු වෙනවා කියල නෙව. බටහිර මොක උනත් මේ දීපංකරේ නම් ඔය විජ්ජුම්බර වෙන්නෙ නෑ කියල තමයි දන්න කාලෙ ඉඳල මටනං හිතුනෙ. මොකද දේසේ හැටියට තමා ඔය කොයි දේත්, කොයි ප්‍රතිපත්තියත් ක්‍රියාවට නැංවෙන්නෙ. හොඳ බීජ උනත් නිසරු පසක ලැබෙන පළදාව අඩු වෙන්න පුලුහං.

එහෙම වෙන්න පුළුවන් කියලා හිතෙන උදාහරණ කීයක් නම් හැමදාම අපි news වලින් දකිනවද, අහනවද...

බැංකුවල, සුපිරි කඩවල parking එකේ වාහන නවත්තලා ගියොත් වගකියනු නොලැබේ. parking එක හරියෙන් සික්ක හිටියත් එමම තමයි.

කඩෙන් බඩුවක් අරන් අඩියක් එලියට ගිය ටිකට ඒක වැඩකරේ නැති උනත්... වගකියනු නොලැබේ.

OTP නොදී, තමන්ගේ ගිණුමේ මුදල් නැති වුනත් බැංකුව වගකියනු නොලැබේ.

මහජන මුදල් වියදම් වූවත් ගෙන්වූ අසූචි නැවට වගකියනු නොලැබේ.

Media බොරු news ගහනව. වගකීමක්, තැකීමක් නෑ.

වඳ කොත්තු, වඳ සැත්කම් ගැන ප්‍රචාරය කරපු අය හොයාගන්න නෑ.

පිපිරුණු ගෑස් වලට චූදිතයෙකුත් නෑ. වන්දිත් නෑ. ඒත් හිටපු රජයේ පිරිසේ හානි වූ ගෙවල් වල අයට පමණක් ප්‍රතිපාදන වහා හිමි වුනාවේ.

මේ සංසිද්දී එක්ක කම්පනා උන දේ තමා... ආවෙ දේසේ වෙනස් උනොත් වාසේ හොඳවෙයි කියල හිතෙනව කියන එක. ඩාම් ඩූම් තත්වයන් එක්ක දැන් උනත් මං වහන්දෑ මේ ආණ්ඩුව ගැන යං සුභවාදී අදහසකින් තමා ඉන්නෙ. මොකද රජය, නීතිය, රාජ්‍යය සේවය ක්‍රියාත්මක වන ආයතන වල් වැදිලා තියෙනකොට රටේ අර උඩින් කීව පහසුකම්වත්, සේවා තියා ගෙවාපු බිලේ හැටියට ලයිට් ටිකවත් නැහැ නෙ. ඒක නිසානෙ බැරිම තැන මිනිස්සු පාරට බැස්සෙ. ඒක ඉතිං අරගලයක් දක්වාම ගියා...

අරගලේ හිටි කොල්ලන්ට පොලු සංග්‍රහ, ගුටිබැට පූජා දීපු උන්දලාත් මේ පාර පළාත් සභාවට තරඟ කරනවා කියල දැක්කෙ ඒ අල්ලපනල්ලෙ.  අනේ සාදු!

Read More

අපෙ ගෙදර වාසය කළ පූස් මහිලාව... ටික කලකට කලින් පණ 9ම ගෙවා දාල ස්වර්ගස්ථ උනා. (ඒ ගැන post එහෙකත් ලීව නෙව) ඒ හන්ද ගෙදර කස්ටිය අලුත් බඩුවක් අරං ඇවිත්. දැන් උන්දත් වාසයට ඇවිත් මාස 5, 6කට වැඩි. හැබැයි කලින් හිටි එවුන් වගෙ නෙමේ මේ හාදය 😁. උර්තල් කියන එක ඌට වැඩිය තේරෙන්නෙ නැද්ද කොහෙද... කවුරුහරි ඇවිත් අතගානව කරනවට එච්චර කැමති නෑ. ඒ හන්ද පොර තනිව තමා කාලය ගෙවන්නෙ. බලු ජෝඩුව පේන මානයකට යන්නෙවත් නෑ.

 

ඒ අස්සෙ මේ ළඟදී කියෙව්ව කොළඹ ගමය මයාගෙ… අසල්වැසි පූස්මොටා post එකත් මතක් උනා. සහ මේ ටිකේම එකදිගට බලු පූස් කතන්දර, video, celebritiesලගෙ බලු පූස් gossip තමයි දකින්න හම්බුනෙ. ඒ එක්කම ලියන්න හිතාගෙන හිටි අදහසක් මතක් උනා........

 

විද්‍යාඥයො, සත්වවේදීන් කියන හැටියට සත්ත්ව ලෝකයේ විකාශයත් එක්ක නින්ද ලබා ගන්නා කාලය සීග්‍රව වැඩිකරගත් කොටහක් තමයිලු බල්ලා සහ පූසා කියන්නෙ.

 

ඒක වෙන්නෙ... මිනිස් පරිණාමයත් එක්ක අපි කැලෙන් එළියට ඇවිත් ජනාවාස වෙන අතරේ මුන් දෙකොට්ඨාසය හෙමීට ගෙට රිංගිල්ලත් එක්ක. ඒ හන්ද කැලේදී කෑම හොයන්න, සතුරන්ගෙන් ආරක්ෂාවෙන්න වගේ වැයවන කාලයයි, වෙහෙසයි මේ ජෝඩුව අපි පිට පටවල. ඒ ඉතිරි වෙලාවෙ තමා උර්තලයක් හෙම වෙලා බුහ් බුහ්, ඤාව් කියාගෙන... ආතල් ජීවිතයක්, සැප ඇලට් එකක් දාල තියෙන්නෙ 😆

 

පෙනේද මුන් කොකා පෙන්නල තියෙන තරමක් අපට! னයාම ගහන්ට එපෑ 🐍

 

දඩයමට, ආරක්ෂාවට, සටන්වලට, මුදල් උපයන්න... වගෙ ලොකු දේවල් අපි එක්ක ඉන්න cats & dogsලගෙන් නොකෙරෙනකොට, වැඩි හරියක් මේ ජෝඩුව ගෙවල්වල හදන්නෙ හුරලතලයට වගේම තනිකම, විඩාව නිවාගන්නත් එක්කල. ඔය අතරේ මතක් උනෙ, කලියෙන් කියවපු මිනිස් සම්බන්ධතාවයන්ට අදාළ සමාජ පරීක්ෂණ 2,3ක් හා සමාජ විද්‍යාඥයන්ගෙ අදහස් කීපයක් ගැන. පරීක්ෂණවල අවධානය යොමුවෙලා තිවනෙ මිනිසුන්ගෙ සමාජ සම්බන්ධතාවල පිරිහීම, නැගීම සහ වෙනස්වීම ගැන. කෙටියෙන් විස්තරෙ කිව්වොත් සමීක්ෂකයින් පෙන්වල තියෙන විදිහට නම් අපේ සමාජ සම්බන්ධතා පෙරට වඩා දුර්වල වී තියෙන බවක් තමයි පේන්නෙ.

 

සමීක්ෂණ අදහස් හා සමාජ විද්‍යාඥ මත දිහා බැලුවොතින්... මූලිකවම සමාජ පරිවර්තනයන් ඇතුළු කොට ගත්තහම නාගරීකරණය, තාක්ෂණය, සමාජ මාධ්‍යය වර්ධනය, විදේශගතවීම්, පවුලේ හෝ හිතවතුන්ගේ මරණ, වයෝවෘධභාවය එක්ක ඇතිවන ගැටලු, තරඟකාරී ආර්ථික රටාව, රෝගාබාධ හා ව්‍යවසනයන්ට ලක්වීම සහ තවත් කාරණා එක්ක... මේ පෙරළෙන ලෝකෙ සමාජ සම්බන්ධතා පැත්තෙන් අපි යම් පලුද්දක් කරගෙන තියෙන හැඩයි.

 

ඒත්... තවත් කෝණයකින් බැලුවහම පේන්ට තියෙන්නෙ සමාජ සම්බන්ධතා වල යම් වර්ධනයක්. ඒ සමාජ මාධ්‍යය හා තාක්ෂණය ඔස්සේ මිනිසා සමාජ සම්බන්ධතා පවත්වාගෙන යන්න අපි ගන්නා උදව්වෙන්.

 

FB post එකකට comment කිරීමෙන්, විශේෂ දවසකට සුභ පැතුම් social media හරහා එක් කිරීමෙන් සමාජ මුහුවීම අද සුලබ දෙයක්. ඒත් එය තාක්ෂණයෙන් ලැබුන පහසුවක් විනා නියම සමාජ සම්බන්ධතා පවත්වාගැනීමක්ද කියන එක සැක සහිතයි. (කොහොමින් උනත් මේ ගැනත් ඇතිවෙන්න පර්යේෂණ, විශ්ලේෂණ සිදුවෙලා තියෙනව නෙ).

 

කෝමෙන් කෝම උනත් සමාජ සම්බන්ධතාවල පොඩි ඩාම් ඩූම් තත්ත්වයක් නං වෙලා තියෙන බව හැබෑව. ඒකට අර උඩ තියෙන, විශ්ලේෂකයන්/ පරීක්ෂකයින්ගෙ පෙන්වා දුන් කාරණා තමයි හේතුව. සහ ඒ කාරණා සේරමට මූල බීජය වෙන්නෙත්... අපේ ආත්මාර්ථකාමී, පුද්ගලිකත්වයම කේන්ද්‍රගත, අධි පරිභෝජනවාදී වීමයි. ඒ කියන්නෙ අපි පෙර පරම්පරාවන්ට වඩා ස්වාර්ථයම මුල්කොටගෙන ගමන්කරන බවයි සමාජ විශ්ලේශකයයන්ගෙ අදහස.

 

ඒ අනුව සමාජ ආශ්‍රය පෙරට සාපේක්ෂව අඩු වෙනව වගේම, පොදු වැඩකදී මේ ආත්මාර්ථය දැඩිකම නිසා ප්‍රශ්න ඇතිවෙන එකටත් ඕනෑතරම් උදාහරණ අපි ඕනෑ තරම් දන්නව.

 

සඳ කිනිති, ගිනියම් ඉර post එකෙත් මේ සම්බන්ධව යම් අදහසක් ලියවුනා. අපි පුද්ගල කේන්ද්‍රගත වැඩි නිසා අපෙන් බාහිර පාර්ශවත් අපි අපිට ඕන විදිහට හසුරුවන්න යනවද මන්ද කියල.

 

හැබැයි ඉතිං අපි ඒ විදිහට... බල්ලෙක් පූසෙක් එක්ක හෝ ඇතිකරන විසිතුරු මාළුවො ටිකක් එක්ක අර වගේ හැසිරෙන්න යනව බොහොම අඩුයි. බල්ලෙක් නිතරම සද්ද කරත්, මේක මහ කරදරයක්නෙ කියල ඇඟට ගන්නෙ නැති තරම්. පූසෙක් ගෙදරින් යන එන වෙලාව ගැන උනත් අපි වැඩිය තකන්නෙ නෑ. සර්කස්වල වගෙ ඉතිං අපි ගෙදර සුරතලාව පුහුණු කරන්න යන්නෙත් නෑ නෙ.

 

මේ නිසා මිනිස්සු පෙරට වඩා අඩුවන, සමාජ ආශ්‍රයේ හිස්තැන පුරවගන්න... සුරතලයට/ පාළුව මකාගන්න ඇතිකරන සතුන් හරහා නොදැනුවත්වම හෝ සපුරගන්න උත්සහ කරනවාදෝ වගෙ අදසහක් තමයි ඇතිවෙන්නෙ හිටං

 

 

සැ.යු - දැන් ඉතිං මේක ලීවේ හැම සුරතල් හිමියෙක්ම සමාජ ආශ්‍රය නිශ්‍රයට නැඹුරු බව අඩුයි කියල හෝ ඒ අයගෙ ආත්මාර්ථය වැඩී  කියල නෙමේ හිටං... හොඳේ🙃 😁

Read More

පහුගිය ටිකෙ රැල්ල චන්න කතා පුවත. චන්න කීවෙ ඡන්න නෙවේ. අපෙ නළු චන්න. චන්න ගැන Post දානව, වයස ගැන කතා වෙනව, ගයත්‍රී පයින් ගැහුවෙ රන් කඳකට කියනව, පිං ගැන කියවනව, බොන්නෙ නෑලු, ආතල් ගන්නෙ නෑලු... අන්තර්ජාලෙ එක ජංජාලයයි. අන්තර්ජාලෙ කීවට ඉතිං වැඩි හරියක් බුකියෙ තමා.

සහසුද්දෙං කියනවනං චන්නගෙ වයස පේන්නෙ නැති කේස් එක තමා මාතෘකාව!

චන්න ගැන ඒ විදිහට කතා වෙනකොට මට එකපාරට මතකෙට ආවෙ Hollywood වල කතා වුණු මීට වෙනස් සිද්ධියක්. ලාස්සන අරියානාගෙ රූපෙට වෙලා තියෙන දේ. Ariana Grande (තාම 30යි)... දෙයියනේ මේකි කරන් තියෙන වින්නැහියක්! කෙල්ල බාල කාලෙම ජනප්‍රිය උනෙ දක්ෂතාවය හන්ද විතරක්ම නෙමේ... තිබ්බ cute, attractive ගතියත් එක්ක. ඒත් දැන් වයසට වඩා වැඩි, කැත පෙනුමක් අරියානගෙන් පේන්න තියෙන්නෙ.

චන්නට පායන ඉර හඳ යටම අරියානාට නරක කල දසාවක්!

මූනේ අතුල්ලන රූපලාවන්‍ය බඩු, ඉන්ජෙස්සන්, සැත්කම් වෙන්න ඇහැකි බව තමයි ජාලෙ විසාරදයන්ගෙ අදහස.

අරියානට එහෙම වෙනකොට චන්නයන්ගෙ කතාවේ සුලමුල... ජාලෙ විසාරදයින්ට අනුවම නම්, එය මේන්ටේන් ලස්සනකි. මස් නොකෑම, මධ්‍යසාර නොගැනීම වගේ කතා තමයි ඒවාට හේතු.

ඒත් එක්කම තමා බුකී සංවාදය පටන්ගත්තෙ...

කට්ටියක්... ඒ විදිහට ජීවත් වෙන්න බෑය, බොන්නැති- මස් නොකන ජීවිතේ ආතල් නැතිය, නීරසය කියල අර හොඳ කියන කොටහට ඇනුම්පද කියනව. ඒ අතරෙ චන්නටත් කෝචෝක් පාරක් දාගෙනම 😁

ඊට විරුද්ධ පාර්සවය අර මතය කියන අයට බනිමින් බුකිය තවත් රත් කරනව 😁

මැදහත් පිරිස... ජීවිතේ කැමති කෙනෙක්ට කැමති විදිහට විඳින්න පුළුවනැයි කියමින් post දානව

 

මේ කිසිම වාදයක් පටන්ගන්න තුන්හිතකවත් තිබුනෙ නැති චන්නයෝ හොරෙන් සොට් එකක් දානවද දන්නෙත් නෑ... අපිව බයිට් එකට අරගෙන, පිෂ්ෂු උට්ටල! හෙම කියාගෙන 😅

******

මේ post එක ලියන අතරෙ දැක්කෙ චන්න රසික ජයකොඩි එක්කලා chat එහෙකදී කියනව හිටං "මම හොඳට කන බොන කෙනෙක්" කියල 😁​😋​

ඒ podcast එක මරු පුලුහංනං බලන්න 👉

Read More

කළා කෘතියක පොඩි පොඩි කොටස් තුලින් වෙන වෙනම රස ජනිත වෙන්ට පුළුවන්. ඒ වගෙම කොටසක් වෙනම ගෙන රස විඳින්න/ කතා කරන්නත් ඇහැකි කියල... පුරාණ පඬිවරයෙක් අටපට්ටමට කියල තිව්න ☺️. ඔය සමහරු කියන්නෙ ආන් අර සිංදුවේ බටනලා part එක මරු, අර film ඒකෙ fight සීන් ටික මරු කියල...

 

ඒ වගෙ ලක්ෂ්මන් විජේසේකරගෙ 'සඳ කිනිති නැමී' කියන ගීතය අහද්දි එකපාරටම දෙවැනි පද පේළිය එක්ක වෙනස් අදහසක මයෙ ඔලුවට ආව. ඒ හන්ද මේ පෝස්ටුව ඒ ගීයෙ සම්පූර්ණ පද රචනාවත් සමග අදාළත්වයක් නැති වග කරුණාවෙන් තකන්න 😁

 

 " ඔබෙ නෙතට එබී මගෙ නෙතද සදා සොයයි සේයාව මගේ "

 

ආදර සම්බන්ධයෙදී අපේ ආදරය අනෙකාට කියන්නද වඩා කැමති, නැතිනං එයා තමුන්ට ආදරේ කියල කියනවටද... වඩා කැමති?

 

ආදරේ කියන්නෙ ක්‍රියා පදයක්ය කියල අපේ උන්දලාම පාරම්බෑවට මොකද අපි වැඩිපුර කැමති එය ලබන්ට. ලැබෙනව කියල දැනෙනවට. එහෙම නෙ?. ඒක නිසා වෙන්න ඇති සම්බන්ධයක් පටන්ගත්ත ගමනෙ ඉඳල අනිකාගෙන් අහන්නෙ, මැසේජ් කරන්නෙ... ඔයා මට ආදරේ නේද කියල.

 

ඒ විතරක්ද... අඳින ඇඳුම තමන් කැමති එකක් වෙනව නම්, කොන්ඩේ පීරන, යන- එන තැන, ආශ්‍රය කරන අය, එකී මෙකී නොකී බොහෝ දේ තමන් කැමති සීමාවේ ඉඳන් අනෙකා අතින් සිදුවෙනව නම් අපි හරි කැමතියි!

 

අයිතිය කියමින් නීතිය, සමාජය ඉස්සරහ උත්සව ශ්‍රීයෙන් විවාහ වෙන්නෙත් ඉතින් ඒක නිසාම නෙ. (පහුව කෙහෙවලු පටලගන්න එකනං වෙනම දෙයක් 😄)

 

ඉතිං එහෙව් ආත්මාර්ථකාමී අපි අතරින් පිරිසිඳු, සුරම්‍යය ආදරයක් බොහොම දුරද මන්ද.

ඔය එක දේව කතාවකත් මං අහල තියෙනව... මුලින්ම තනි කෙනෙක් මවල පස්සෙ ඒ තනි අය අර්ධ දෙකක් කරාය. ඒකයි මේ ආදරය කියා කියා තමන්ගෙ අනික් අර්ධය හොයාගෙන යන්නෙ කියල.

 

ඒ වගෙම කියවපු එක වෛදික යෝගියෙක්ගෙ අදහසක සඳහන් වෙලා තිව්න 'තම සාරය සෙවීම තමයි මිනිසාගේ පරමාර්ථය විය යුත්තෙ/ වෙන්නෙ' කියල.

එහෙම බැලුවම... අපි භාහිර දේවල් වලින් දකින්න හදන්නෙත්, හොයන්නෙත් තමාවමද?

 

" ඔබෙ නෙතට එබී මගෙ නෙතද සදා සොයයි සේයාව මගේ ..."

 

මේ අදහසම ද මන්ද සේනක බටගොඩගේ 'අපි කවුරුද?' පද පේළියේ තියෙන්නෙත් කියල හිතුන ඒ සිංදුව ඇහෙද්දි

 

 

සීසීකඩ විසිරුනු සිතිවිලි

දියබුබුලේ නලියන පෙනකැටි වාගේ

හුදකලාවෙ තනිවී සිටියම

සිහින ආකරේක වැටුනා වාගේ

නිමක් නෑ...

 

මෙහොතින් මොහොතට ගෙවනා කාලය

දැනෙවා කාටත් එක විදිහට

ගිනියම් ඉර.. සඳ සිසිලස..

අතරේ හොයනව හොයනව මේ අපි කවුරුද

ගීයකි ලොව.. සිතුවම් කල..

 

අතරේ අහනවා බලනව මේ අපි කවුරුද

 

ඉර බැසයන ගොම්මන් යාමේ

තරු එක දෙක දිලිසෙන කළු ආකාසේ

ගලා හැලෙන රිද්මේ නැහැවි

ඇදී යන්නෙ ඈතින් ඈතට පාවි.. සුලග සේ...

 

මොහොතට මොහොතට ගෙවනා කාලය

දැනෙවා කාටත් එක විදිහට

ගිනියම් ඉර.. සඳ සිසිලස..

අතරේ හොයනව හොයනව මේ අපි කවුරුද

 

ඕ.. ගිනියම් ඉර.. සඳ සිසිලස..

අතරේ හොයනව හොයනව මේ අපි කවුරුද

Read More