Emoji කියන්නේ පූර්ව නිශ්චිත නමක් හා කේතයක් (unicode) ඇති graphic රූප සටහනකි. emoji මුහුණු හැඟීම් වලින් පටන්ගෙන සතුන්, වස්තූන්, ආහාර, වාහන... ආදී විවිධ දේ දක්වා අද ව්‍යාප්තව නිර්මාණය වෙලා තියෙනව. emoji වල ප්‍රධානම විශේෂත්වය වන්නේ ලෝකයේ සියලු දෙනාටම එහි පොදු අදහස දැනගත හැකි වීමයි.

වර්තමාන ලෝකෙ digital device භාවිත කරන හැම කෙනෙක්ම මේ නම අහල තියෙනව වගේම තමා හොඳ හැටි පාවිච්චිට ගන්න දෙයක් තමයි මේ Emoji කියන්නෙ.

දෙපිරිසක් හරි දෙන්නෙක් අතර හරි සාර්ථක සන්නිවේදනයකට... භාෂා හැසිරවීම, හඬ පාලනය, මුහුණේ - සිරුරේ ඉරියව් වගේ දේවල් බලපානවනෙ. දුරකථන වලින් දුරස්ථව උනත් සිදුවන අදහස් හුවමාරුව නිවැරදිව අඳුරගන්න... හඬේ හැසිරවීම එක්ක පුළුවන්. ඒත් ලිඛිත මාධ්‍යයක දී මේ වැඩේ ටිකක් අපහසුයි. ඉතින් ඒ අමාරු වැඩේ digital අවකාශයේ දී පහසු කරන්න ආපු එක් අපූරුම විසඳුම තමයි මේ Emoji.

ඒත් රාජකාරී හෝ වෘත්තීයේදී... digital පණිවිඩයකට වගේ දෙයකට මේ Emoji එකතු කරන්න නම් බැරි තරම්. ඒ හැර පුද්ගලික/පොදු ඕනෑම digital නිදහස් අවකාශයක මේ Emoji යහමින් පාවිච්චි කරන්න පුළුවන් නෙ 😄😅.

නිකම් වචන ටිකක් type කරල කෙනෙක්ට/ පොදු digital අවකාශයකට මුදාහරිනවට වඩා... Emoji එකක් හෝ කීපයක් ඇතුලත් කරල යවන පණිවිඩෙන්, අර මගහැරෙන emotions වගේ දේවල් ආයෙම එක් කරගන්න මේ ඉමොජි වලින් පුළුවන් වෙනව. 100%ක්ම බැරි උනත් යම් පමණකට සාර්ථක හා පැහැදිලි... හැඟීම සහිත අදහස් දැක්වීමකට Emoji බොහොම උපකාරයි.

Emoji භාවිතයට එන්න කලියෙන් යම් පමණකට හරි භාවිතා කරන්න යෙදුණේ ඊට බෙහෙවින් සමාන Emoticons. අකුරු හා වරහන්, තරු ලකුණ ආදී සලකුණු මගින් තමයි මේ face expression characters, යවන පණිවිඩයකට ඇතුළත් කලේ. මේ සලකුණු ක්‍රමය (characters) හඳුන්වා දුන්නෙ ස්කොට් ෆාල්මන් මහාචාර්යවරය. ඒත් ඊට වඩා බොහොම සිත් ඇදගන්න Emoji කරළියට එන්නෙ Emoticons වලට පස්සෙ... 1997-1999 වගේ කාලෙක ජපානෙන්. e (පින්තූර) + moji (චරිතය) විදිහේ අදහසක් එන Emoji වල ආරම්භකය වෙලා තියෙන්නෙ ජපන් ජාතික ශිගෙතකා කුරිතා.

කෙටි කාලයක් ඇතුළත ජපානයෙන් පටන්ගෙන මුළු ලෝකයේම ජනප්‍රිය වුන Emoji අද පණිවිඩයක් යැවීමට ගන්න ඕනෑම digital device එකක නැතුව බැරි අංගයක්. පසුව unicode ක්‍රමයටද මේ ඉමොජි ඇතුළත් උනා. ඒ වාගේම එක් එක් සමාගම් අතින් විවිධාංගිකරණය වූ emoji ඔවුන්ට අනන්‍ය වූ විදිහේ මුහුණුවරකින් ඉදිරිපත් කිරීමත් සිදු වුනා. මේ නිසා එකම අදහස දක්වන එකම emojiය වුනත් ඔවුනොවුන්ගේ විවිධ device හා system වලට අනුව... පොඩි පොඩි වෙනස්කම් සහිතව දැකගන්න පුළුවන්. උදාහරණයක් විදිහට apple phone එකකින් යවන emojiය android phone එකකින් දැකගන්නට වෙන්නේ සුළු වෙනසකුත් සමගයි. නමුත් emojiයේ මූලික අදහසට එයින් වෙනස් සිදුවෙන්නෙ නැහැ.

ඩිජිටල් සන්නිවේදන යුගයට හැඟීම් එක්කල ඉමොජි අද නැතුවම බැරි දෙයක්. ඒ නිසාම සමාජ/ මනෝ විද්‍යාඥයන්ගේ, සමාජ විශ්ලේෂකයන්ගේ අවධානයට ද මේ සන්නිවේදන සංකේත ක්‍රමය ලක්වෙලා තියෙනව. සහ වර්තමාන ශබ්දකෝෂය වලට ද මේ Emoji නාමය ඇතුළත් වෙලා තියෙනව 😉.

ආදී මානවගේ Emoji භාවිතය

unicode, blog වලට ඕනෑම Emoji ගන්න මේ site එකෙන් පුළුවන් 👉

Read More

මේ සිංදුවේ තේරුම කාලෙකට කලින් හොය හොයා හිටියේ. මේ සිංදුවක් කරලා තියෙන්නෙ පැරණි ජන කවියක් ආශ්‍රයෙන්ය කියන්නෙ.

පොඩි වෙනස් වචන ටිකක්. ගැමි වචන ටිකක් තියෙන්නෙ. මහප්‍රාණ වචන නෙමේ උනත් තේරුම මොකක්ද කියල එකපාර guess කරන්න අමාරුයි. ඔන්න කොහේදි හරි මේක ගායනා කරන රෝහණ බැද්දගේම සිංදුවවේ තේරුම කිව්ව... කොයි ඒත් ඇහුනෙ ටිකයි නෙ 😐.

ඕන් මේ ඊයේ පෙරේදා දවසක අහම්බෙන් වාගේ එයාම මේ සිංදුවේ තේරුම කියන video එකක් සැට් උනා කියන්නකෝ.

බලලා මක්ක හරි කොටන් යන්නත් ඉතීම්. දෙයියඤ්ඤෙ පිහිටයි 🙏

 

හො හෝ.. හෝ..

(හො හෝ.. හො හෝ.. හෝ හොහෝ.. තම්දෙන තනා

හො හෝ.. හො හෝ.. හෝ හොහෝ.. ඉතේතනමි තනම්‌)

 

සසඳ සසඳ දිය පල්ලේ තිබෙයි අල

(දිය පල්ලේ තිබෙයි අල.. දෙයියන්නේ පිහිටයි)

සසඳ සසඳ දිය මතුපිට තිබෙයි කොළ

(දිය මතුපිට තිබෙයි කොළ.. ගාලේ ලිහන්ඤයි)

වැස්සට පිනි බබා.. මෝරන කැකුලු මල

(හාහා.. හොහෝ)

මස්තකයින්ට මුතු කුඩයකි නෙළුම්‌ මල (තම්දෙන තනා)

(මස්තකයින්ට මුතු කුඩයකි නෙළුම්‌ මල)

 

සකිය සගව්වට රෝදය කැරකෙනවා

සසඳ සසඳ අපි මහපාරේ යනවා

සකිය සගව්වට රෝදය කැරකෙනවා

සසඳ සසඳ අපි මහපාරේ යනවා

 

සසඳ සසඳ සඳ පානේ අපි යනවා

(සඳ පානේ අපි යනවා.. දෙයියන්නේ පිහිටයි)

මක්කොලි බඳට ගොන්‌ බානක්‌ බැඳ යනවා

(ගොන්‌ බානක්‌ බැඳ යනවා.. ගාලේ ලිහන්ඤයි)

සකිය සගව්වට.......... රෝදය කැරකෙනවා

(හහා.. හොහෝ)

දත්‌ කැකුලට නාරම්මල ළතවෙනවා (තම්දෙන තනා)

(දත්‌ කැකුලට නාරම්මල ළතවෙනවා)

 

සකිය සගව්වට රෝදය කැරකෙනවා

සසඳ සසඳ අපි මහපාරේ යනවා

සකිය සගව්වට රෝදය කැරකෙනවා

සසඳ සසඳ අපි මහපාරේ යනවා

 

සසඳ සසඳ සඳ පොබයන සාවුන්ට

(සඳ පොබයන සාවුන්ට.. දෙයියන්නේ පිහිටයි)

මක්කොලි බඳට දුටු විගසට ගිරවුන්ට

(දුටු විගසට ගිරවුන්ට.. ගාලේ ලිහන්ඤයි)

පදින සැරේ.. රොන්‌ ගෙන යන බමරැන්ට

(හහා.. හොහෝ)

වර ටිකිරෝ සත්‌ සමුදුර පීනන්ට (තම්දෙන තනා)

(වර ටිකිරෝ සත්‌ සමුදුර පීනන්ට)

 

සකිය සගව්වට රෝදය කැරකෙනවා

සසඳ සසඳ අපි මහපාරේ යනවා...

 

Read More

ඔන්න එක පරිසර සංවිධානයකින් ගොවි මහත්තයෙක්ගෙ සත්ත්ව ගොවිපළ බලන්ට ආව. ඇවිත් හොඳටෝම උපදෙස් දීල ගියා. සත්තුන්ට හොඳට කන්ට දෙන්න, විටමින් අරවා මේවා දීල හෙම නියමිත බර පවත්වන් යන්නය කියල. ගොයි මහත්තයත් කියාපු විදිහට කරගෙන ගියා. ටික දවසකින් තව සංවිධානයක් ඇවිත් කිව්ව... සත්තුන්ට food cityවල කෑම හොඳ නැතිය. මේ ගම්වල අහිම්සක සත්තුය. පරණ පුරුදු ගමේ කෑම හා තෙල් බේත් සාත්තුව දෙන්නය කියාල.

ආයෙම තව කාලයකින් වෙනත් සංවිධානයක් ඇවිදින් බයි මහත්තය ඉදිරියේ ප්‍රාදුර්භූත උනා... 'ඔබතුමා මොනාද මේ සත්තුන්ට කෑමට දෙන්නෙ ? '

බොහෝ දුරට කම්පනා කරපු බයි ගොයිය කිව්ව 'මහත්තයෝ මං සත්තුන්ව උදේට පෝලිං ගස්සනව'

'ගස්සල..? '

'එක එකාට සීය ගානේ දීල තමුන්ට හොඳ දෙයක් අරං කාපන් කියල කියනව'

 ****************

හුම්. සරි ඒ කතාව පැත්තක තියමුකෝ... මේ පෝස්ටුව නිල වසයෙන් මයේ 100 වෙනි බොලොග් පෝස්ටුව. Draft කරපු එක අතැරල තමා ඉතීම් මේ 100.

100ක් ලියාගෙන ආවාට මොකෝ කියවපු ඈයෝ... සැපිද, සැපි නැද්ද මන් දන්න එකක්යෑ 😉. ලියන්ට හිතන් හිටපු ටික නිදි, කොලොම්පූර් එක්ක පොඩි චැට් වලදී කතාවට ගත්තත්... ඒවා ලියවිලා නම් නැතිම තරම්. අඩුම වසයෙන් 30%ක අගයකටවත් ඇවිත් නෑ. හුම්! උන්න හැටියට මලා මදැයි.

හිතාන හිටි හැම දේම කරන්න ඇහැක් වෙන්නෙ කාටෙයි.

එහෙම කිව්වට ඔන්න චන්ද්‍රයාන් dream project එක නම් සාර්ථක උනා. ලෝකෙන්ම සඳට ගිය හතරවෙනි රට, අපට ලඟින්ම ඉන්න ඉන්දියාව. ඒ රෝවර් යානය ගිහින් තියෙන්නෙත් සඳේ අඳුරු කළාපෙට කියනව නෙ. මොන කුහක කමක් ඉන්දියාවට එක්ක තිබ්බත් සුබ පත්තන්න ඕන උන්දලාට... අපිට ණය අස්සේ බාල බෙහෙත් දෙන අතරේ උනත්. ටැංකිව් ඉන්දියා! ස්වස්ති සිද්ධම් ✌

පුළුවන් උනොත් මාත් චිචිගෙන් අහගෙන රොකට් එකක් හරි අරිනව... අල්ලපු ගෙදරට පේන්නත් එක්ක 😂😅

Read More

 හෙලෝ ළමාායි... ඔයාල මගේ බ්ලොග් පෝස්ට් බල්නව නෙ. සත්තලං ඔයාලත මං අද අරගෙන ආව 😂

ඔන්න ඔහොම සමහර කෙල්ලො හුරතල් mood එකෙන් එක එක item විකුණනව, promote කරනව දැකල ඇති නෙ You-Tube, FaceBook, TikTok video වලින් හෙම. ඔය එකී මෙකී නොකී, වැදගත් - නොවැදගත්, කුණු- ඕපදූප... බලන එක platform එකක් තමයි ඉතීම් අපි පාවිච්චි කරන You-Tube. මුලින්ම අන්තර්ජාලයේ අපි තොරතුරු හෝ මොනව හරි දෙයක් හෙව්වේ ලිඛිතව හෝ රූපමය මාධ්‍යක් විදිහට නෙ. යූ බටේ ප්‍රචලිත වීම එක්ක ඒක වෙනස් වෙලා දැන් අපිට video හරහාත් හොයන, ප්‍රියතාව දක්වන දේ... දකින්න රස විඳින්න පුළුවන්.

මේ ඔබේ බටේ පටන් අරන් තියෙන්නෙ ස්ටීව් චෙන්, චැඩ් හර්ලි සහ ජාවෙඩ් කරීම් කියන කොල්ලො තුන්දෙනා එකතු වෙලා. ඒ 2005 පෙබරවාරි 14 දා. එතකොට 2006 ඔක්තෝම්බර් මේ You-Tube එක google සමාගම ඩොලර් බිලියන 1.65 කට අරගෙන තියෙනව.

අද You-Tube නොබලන කෙනක් නැති තරම්...

සංගීතය, කෙටි චිත්‍රපට, චිත්‍රපට, නර්තනාංග, සංදර්ශන ආදී කළා රසවින්ඳනයන්ගේ සිට වෙළඳ දැන්වී, වාර්තා වැඩසටහන්, vlogs, පෞද්ගලික වාර්තා, දේශපාලන සංවාද sex, porn ඇතුළු විවිධ සංවාද, වැඩසටහන්... අද මේ You-Tube වලින් අපිට නරඹන්න පුළුවන්. ඒ වගේම නිදහස් සමාජ මාධ්‍යයක් නිසා සිංහල හා වෙනත් භාෂා youtubersලත් ඕනෑ තරම් අද ඉන්නව. මේකෙදි දකින්න ලැබුණු ඉතාම හොඳ කාරණා 2ක් තියෙනව.

1) දැනුම, අධ්‍යාපනය හා තොරතුරු වලට තිබූ සීමාව ලිහිල් වීම.

ඔහේ විවිධ දේවල් මුදාහරින්නන් වගේම... වෘත්තිය නිපුණයින්, අධ්‍යාපනඥ පිරිසත් මේ youtubers ගොඩට එක්ව ඉන්නව. ඒ මෙම platform එක ඔස්සේ සමාජ ක්‍රියාකාරී/ දැන හඳුනන කෙනෙක් වෙන්න අන් අයට තියෙන අවශ්‍යතාව නිසාම වෙන්නට පුළුවන්. ඒත් ඔවුන් බෙදාගන්න දැනුම, අත්දැකීම්, උපදෙස්... ඒවා නරඹන්න කැමති ඕනෑම අයෙකුට නිදහසේ ලබා ගන්නත්, ඔවුන් සමග අදහස් හුවමාරු කරගන්න අවස්ථාවත් ඒ හරහා ලැබිල තියෙනව. මේක ඉතාම හොඳ දෙයක්.

2) දැනුම, අධ්‍යාපනය හා තොරතුරු වලට තිබූ අනවශ්‍ය වටිනාකම් පැනවීම් නැති වීම.

දශකයකට කලින් ඉඳල ඊට ඈත කාලය දක්වා... දැනුම, ශිල්පීය ඥානය වගේ ඒවාට තිබ්බෙ අනවශ්‍යය වටිනාකමක්. සමහර ටියුෂන් ගුරුවරු/ අධ්‍යාපන ආයතන පවා හිටියේ දෙවිවරුන් ගානට... ගානත් කපාගෙන. සල්ලි නැති දුප්පත් ළමයෙක්ට තාක්ෂණික දැනුම ලබා ගන්න, උසස් අධ්‍යාපන දැනුමක් ලබා ගන්න බැරි තරම්. මේ නිසාම පන්ති පරතරය තවතවත් වැඩි උනා.

ඒත් අද... ළමයින්, විද්‍යාර්ථයින් තියා ගෘහණිය ආදී හැම කෙනෙක්ටම තම දැනුම දියුණු කරගන්න, අලුත් දැනුම, ව්‍යාපාර තොරතුරු ලබා ගන්න, නව ප්‍රවණතා දැනගන්න තැනක් බවටත් මේ You-Tube ඇතුළු සමහරෙක් වෙනත් platform ද උදව්වක් උනා.

ඕනනං වඩු මඩුවක අත් උදව්වට ඉන්න ගමේ කොල්ලට You-Tube අවකාශයෙන් දේශපාලන විද්‍යාව /තොරතුරු තාක්ෂණය ඉගෙන ගන්න පුළුවන්. TV බලබල හිටිය ගෘහණියට ඕනෙනං... ළඟ තියෙන phone එකෙන් ගෙවතු වගාව, අත්කම් නිර්මාණ වෘත්තීය මට්ටමක් දක්වා දියුණු කරන්න අවශ්‍ය ඒ දැනුම ලබා ගන්නත් පුළුවන් තත්ත්වයක් අද තියෙනව.

ඒ වගේම ඕනෑම කෙනෙක්ට තමන්ගේ video මේ platform වල බෙදා හරිනවාට අමතරව ඒවායින් යම් මුදලක් උපයගන්න පුළුවන් වීම (monetization) තවත් වාසියක් හා නොමිලේ දැනුම, ශිල්පීය ඥානය බෙදා දෙන අයට එය හොඳ දිරිගැන්වීමක් වෙනව.

අපි search කරන දේ හෝ වැඩි නැරඹුම් වාර සහිත මාතෘකාවන්ට අදාළ දේ වැඩියෙන් පෙළ ගැස්වීමට එකතු වීම කරන්න AI තාක්ෂණය You-Tube යොදා ගන්න බව පේන්න තියෙනව. ඒ වගේම තමන් කැමති වර්ගයේ youtubersල follow කරලා තියා ගන්න එකෙනුත්... ඔවුන් දාන video ඉක්මනට දැනගන්න පුළුවන්. මේ AI වැඩේ හා Follow වගේ දේවල් එක්ක තමුන් කැමතිම විෂය ක්ෂේත්‍ර වලට අදාළ නව හා වැදගත්ම video විතරක් පෙලගැස්වෙන වැඩෙන් අපේ කාලේ ඉතිරි වෙනව... අදාළ නැති විකාර වලට යන එකෙනුත් වැළකිලා.

නිකමට හිතන්න දවල්ටත් නොකා, ගෙදර කරමින් ඉන්න වැඩකට ඕන දෙයක් You-Tube එකේ බලලා අහවර වෙනකොට ඊළඟ videoව රස කෑම ගැන තියෙන එකක් නම්. නැත්තං සෙනගක් මැද්දේ ඉන්ට ගමන් video එකක් බලබල අවසානෙට auto-play mode එකේදී porn video එකක් play උනොත්... කොහොමද ආතල් එක 😜. වැඩිහිටි දර්ශන You-Tube එකේ තිබ්බත් porn නම් ඇතුල් නොකරන බවක් තමයි පේන්නෙ. තව ඉතීම් පොඩි ඈයොන්ට නම් You-Tube Kids තියෙනව.

තව Add play වෙන එකත් නවත්තන්න ඕනනම් ගෙවල හිට premium අරං ඒ කරදරෙනුත් නිදහස් වෙන්න පුළුවන්.

ගොඩක් දිග විශ්ව විද්‍යාල දේශණ, සංවාද වගේ video බලනවා නම් data ඉතිරියට qulityය අඩු කරලා play කරන්න පුළුවන්. ඒ වගේම playback speed එක වැඩි කරලත් ඕන නම් කාලය ඉතුරු කරගන්නත් පුළුවන්. මමනම් මේ දෙකම කරනවා. මොකද පැය දෙකතුනේ දේශණ, කතා වල බලන්න දේකුත් නෑනෙ වැඩිය... ඒ නිසා අඩු resolution අවුලක් නෑ. අහන්න පුළුවන් තරමට speed වැඩි කාරාට අවුලකුත් නෑනෙ.

අනික දෙසැරේ තුන්සරේ එකම video එක බලන්න වෙන වෙලාවලුත් තියෙන නිසා එහෙම ඒවා You-Tube එකෙන්ම download කරගන්න පුළුවන්. සමහර video නම් බෑ. ඒකට third-party software එකක් හරි site එකක් යොදා ගන්න පුළුවන්. IDM ඒ වගේ software එකක්.

 Gen You-Tube ඒ විදිහේ site එකක්. මේ site එකේ නම් විවිධ format හා quality වලින් download කරගන්න පුළුවන්. එහෙම download කරගත්ත video එකේ playback speed, brightness, sound Equalizer වගේ setting වෙනස් කරගෙන phone එකෙන් video බලන්න නම් VLC වගේ හොඳ App එකක් බාගන්නත් වෙනව.

ඒ වගේම subtitle තියෙන You-Tube video එකේ ඒ subtitle එක අපිට text එකක් විදිහට ගන්නත් පුළුවන්. video එකට පහල name bar එකේ පැත්තෙන් තියෙන dot හතර chick කරලා එන show transcript එකෙන්. ඊට පස්සෙ side එකෙන් එන text එක... අපිට timeline එක එක්ක හරි, නැතුව හරි copy කරගන්න පුළුවන්. නැත්තං අරවගේම transcript එක දෙන site එකකින් ගන්න පුළුවන්.

Read More

රජ- අතීත සිනමාව... දැන් දශක දෙකක විතර වාගේ ඉඳල පෙළට සැරින් සැරේ එනව.

මට මතක විදිහයට... මේ දක්වා ඇදි ඇදී එන, මේ ඉතිහාස සිනමාව පටන් ගන්නෙ ජැක්සන් ඇන්තනීගේ අබා (2008) චිත්‍රපටියත් එක්ක. මම සා/.පෙළ කරන කාලේ තමයි අබා ආවේ. ඉස්කෝලෙන් එක්කං ගිහින් තමයි බැලුවේ. ඒ කාලේ හැටියට අබා ලංකාවේ දින 100ත් පහුකරන් දුවපු, box office ෆිලුමක්. අබා පටන් ගන්නෙ බබා හම්බෙන්න සීන් එකකින් වගේ තමයි මට මතක. ඒ නැතත් film එක පුරාවට ළමයි හම්බෙන සීන් දෙක තුනක් නම් තිබ්බ. ඒක නිසාද, නැත්තං අබාගේ සාර්ථකත්වය නිසාද මන්දා එතැන් සිට ලාංකේය සිනමාවේ, ඉතිහාස කතා පෙන්වන්න ගත්ත වැල නොකැඩී... අබා එකේ බබාල හම්බුවෙන ගානට 😂😉.

යුද්ධය ඉවරවුණු කාලයක සිංහලකම, හෙළ අභිමානය, අතීත ශ්‍රී විභූතිය ගැන කතා වෙන අස්සේ... අනික් අධ්‍යක්ෂක/නිෂ්පාදක කස්ටියටත් හිතුනද දන්නෙ නෑ, අබාත් හිට් එකක් උන එකේ, මේ තැටියම ඉස්සරහට play කරන් ගියානම් හොඳයි කියල වගේ එකක්. කොහොමත් මිනිස්සු රැල්ලට යන එක නෙ. ඒ මොනා උනත් මට තේරෙන්නෙ නෑ අවශ්‍යතාවයට අනුව සැපයුම ලැබුණද, නැත්තං සැපයුමට අනුව අවශ්‍යතාව පෙලගැහුවද කියලා. කොහොමහරි මේ දක්වා රජ- අතීත සිනමාව තියෙනව. මං ඉපදෙන්න කලින් තිබ්බ රැලි මං දන්නෑ හොඳේ ඕන්☺. මේවට දේශපාලන පෙළඹවීම්, අත පෙවීම තියෙනවද නැද්ද කියලත් මං නම් දන්නෙ නැතිවා. ඒත් කොහොමින් හරි ගජරාමෙට අතීතය රිදී තිරයේ රජ උනා.

එදිනෙදා හිරවුණු ජීවිතෙන් පොඩ්ඩක් ඈත් වෙලා... චිත්‍රපටියක්, සංගීතයක් වගේ කළා මාධ්‍යකට මිනිස්සු එක් වෙන්නෙ පොඩි නිදහසක්, රසවින්ඳනයක්, විනෝදයක් ලබා ගන්න. එහෙම එකේ බලන චිත්‍රපටිවලින් අති බහුතරය රජ - අතීත කතා උනොත්. ඒත් කමක් නෑ කියමුකෝ... අපූරු පිටපතකට, හොඳ අංග රචනා, දෙබස් එක්ක රසවිඳින්න පුළුවන් නිර්මාණ/ කළා නිර්මාණ නම්. ඒත් බහුතරයක උනේ අපේ මතකයේ තියෙන ජාතක කතාවක්, අතීත රජ කතාවක්,  එහෙම්ම ම ඒ විදිහට චිත්‍රපටි ශාලාවෙන්... සිනමාවක් ලෙස පෙන්වීම යාම. හෝ ඒ විදිහට නිපදවන්න දරපු උත්සාහය. මේ බොහෝ උත්සහ හරිම නීරසයි. ප්‍රේක්ෂකයන්ට වතුරයි බතුයි ගානට උනා.

කටෝර ලිඛිත භාෂාව, පිටපතේ හා අංග රචනා වල දෝෂ, සිනමාත්මක බවේ අඩුපාඩු, රංගන දුර්වලතා, යොදාගත් දෘශ්‍ය ප්‍රයෝග වල දුර්වලතා, වෙනත් තාක්ෂණික දුර්වලතා... ආදිය මේ බොහෝ ඒවායේ දැක ගන්න තිබුණ. එහෙම උනේ අඩු බජට් නිසාද, අදාළ ක්ෂේත්‍රවල දක්ෂයන් යොදා නොගැනීමද, නැත්තං නිෂ්පාදකගේ/ අධ්‍යක්ෂකගේ ටකා ටිකා ටුකා කියල කස්ටිය තෝරණ ක්‍රමයද මන්ද.

මේ හැම කරුණක්ම එකතුවෙන් නිමවුණු රජ- අතීත සිනමාව හන්ද ද මන්ද ටිකෙන් ටික වැහෙමින් යන චිත්‍රපටි ශාලා... තවතවත් වැහෙන එක වේගවත් කරන්නේ. ඉතිරි චිත්‍රපටි ශාලා කීපයෙත් ඉංග්‍රීසි, දෙමළ, හින්දි වගේ චිත්‍රපට තමයි වැඩි හරියක් තිරගත කරන්නේ. ඉඩ තියෙන වෙලාවක සිංහල චිත්‍රපටියක් දෙකක් දුවන්නට දානව ඇති... නැත්තං අපේ අයට සිංහල සිනමාවක් ගැන අමතක වෙන නිසා. එහෙම මට හිතෙන්නෙ. ඒ අතරින් පතර මේ තේමාවෙන් වෙනස් උන චිත්‍රපටි කීපයක්ම සාර්ථක උනා. වර්තමානෙ නම් ලොකු hit එකක් උනා ගජමෑන් 3D  චිත්‍රපටිය.

ඒකෙන් කියවෙන්නෙ මිනිස්සුන්ට මේ රජ- අතීත සිනමාව වහකදුරු වගේ ද? නැත්තං මේ චිත්‍රපටි හදන විදිහේ අවුලක් ද? නැත්තං මේ විදිහෙම චිත්‍රපටි එක දිගටම නරඹල එපා වෙලාද? නැත්තං මේ හේතු ඔක්කොමද?

මේ රජ- අතීත සිනමාවේ රැල්ලක් බිහිකරන්න... දැනුවත්ව හෝ නොදැනුවත්ව ආරම්භකරු වුණු ජැක්සන් මහතාත් පහුව ඒ රැල්ලටම එකතු වෙනව. ඊටත් පහුව, එය ඉහටත් උඩින් ගෙනියන්න දායක වුනු සහ වෙන කෙනෙක් තමයි ආචාර්ය සනත් ඔබේසේකරයන්. අප්පේ එතුමා මේ විදිහේ සිනමා හා රූපවාහිනී බොහෝ නිර්මාණ සංඛ්‍යාවකට දායක වෙලා තියෙනව. ඒ වගේම කෙනෙක් තමයි සිංහල ඇදුරිඳු සුනිල් ආරියරත්නයනුත්. තව කීප දෙනෙක්මත් මේ පෝලිමේ ඉන්නව. සමහරු නම් එමින් යමින් ඉන්නව.

කොහොමින් හරි ආචාර්ය සනත් ඔබේසේකර මාධ්‍යයට මේ රජ-අතීත සිනමාව ගැන වෙනස් විදිහේ කතාවක් කියල තියෙනව 'චිත්‍රපටි ශාලා බණ මඩු උනාට කමක් නෑ' වාගේ කතාවක්. ඇත්තටම එහෙම උනාට මටත් ඇත්තටම කමක් නෑ. ඒත් මිනිස්සු හෝල් එකට එන්නෙ චිත්‍රපටි බලන්න.

අනික මේ කරන/ හරිහමන්ව නොකරන චිත්‍රපටි තැනිල්ලෙන් වෙන්නෙ කාරණා දෙකයි... මගේ දැනීමේ හැටියට නම්.

🔽චිත්‍රපටි ශාලාවලට දමිල, මුස්ලිම් පිරිස අඩු වෙනව. එයින් සිනමා කර්මාන්තයට සෘජු බලපෑමක් සිදුවෙනව.

🔽බුදු දහමේ හරයට, දාර්ශනික අදහස් වලට පහර වැදීම.

Read More